ថៃ៖ Sean Jindachot គឺជាតារាសម្ដែងថៃមួយរូប ដែលមានភាពល្បីល្បាញនៅក្នុងវិថីសិល្បៈ មានភាពស្រស់សង្ហា និងអាចធ្វើឲ្យទាក់ចិត្តហ្វេនៗនារីជាច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក៏មានការភ្ញាក់ផ្អើលមួយ ដែលភ្លាមៗនោះ Sean Jindachot ត្រូវបានគេមើលឃើញថាជា ជនទី ៣ ដែលបណ្តាលឱ្យគូស្នេហ៍ របស់តារាសម្ដែងស្រី នាង Peak និង លោក Tod មានការអាក់អន់ចិត្តដល់ថ្នាក់ត្រូវចែកផ្លូវគ្នា។ បន្ទាប់ពីមានដំណឹងលេចលឺថា ឥលូវនេះទំនាក់ទំនងរវាង Peak និង Tod ហាក់ដូចជាមិនអាចបន្តទៅមុខបានទៀតទេ ធ្វើឲ្យមានការសង្ស័យដល់អ្នកគាំទ្រថា តើមានរឿងអ្វីកើតឡើងឲ្យពិតប្រាកដចំពោះពួកគេទាំងពីរនាក់ ។
កាលពីពេលថ្មីៗនេះ លោក Sean Jindachot ដែលត្រូវបានគេសង្ស័យថាជាជនដៃទី ៣ នោះ ដោយសារតែនៅពេលក្រោយៗមកនេះ លោក Sean មានភាពស្និទ្ធស្នាលជាមួយនឹងខាងស្រី ព្រោះថាអ្នកទាំងពីរមានឱកាសធ្វើការជាមួយគ្នាក្នុងរឿងថ្មីផងដែរ ។
Sean Jindachot បានចេញមកបកស្រាយរឿងដែលថា រូបលោក គឺជាជនទី ៣ នោះ ឥឡូវនេះ លោកក៏បានប្រាប់ថា ខ្លួនលោក និង Peak គ្រាន់តែជាមិត្តភក្តិដ៏ល្អនឹងគ្នាតែប៉ុណ្ណោះ ហើយលោកក៏បានប្រាប់ទៀតថា រូបលោកក៏មិនបានដឹងថាពួកគេទាំងពីរបែកគ្នានោះទេ ព្រោះនាងក៏មិនដែលប្រាប់ពីរឿងផ្ទាល់ខ្លួនរបស់នាងមករូបលោកដែរ។ តើបញ្ហាបេះដូងរបស់ភាគីម្ខាងទៀតទៅជាបែបណាវិញ? ព្រោះពេលនេះនៅមិនទាន់មានអ្នកណាដឹងនៅឡើយទេថាមានរឿងអ្វីកើតឡើង ហើយក៏មិនមានការសម្ភាសន៍អ្វីដែរដោយសារតែគិតថាវាជារឿងផ្ទាល់ខ្លួន៕
សូមទស្សនារូបភាពខាងក្រោម៖