ថៃ៖ កាលពីយប់មិញនេះ នៅក្នុងប្រទេសថៃ មានការផ្ទុះរឿងរ៉ាវដ៏កក្រើកមួយ បន្ទាប់ពី មានចោរប្លន់មួយរូប បានកាន់កាំភ្លើង មានបំពាក់ប្រដាប់ខ្ទប់សម្លេង ដើរសំដៅទៅហាងលក់មាសមួយ បណ្ដាលឲ្យមនុស្សនៅទីនោះភ័យស្លន់ស្លោ រត់ជាន់ជើងគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ក្រោយហេតុការណ៍បានបញ្ចប់ទៅ ចោរកំណាចរូបនោះ បានសម្លាប់មនុស្សអស់៣នាក់ របួស៤នាក់ និងយកមាស គិតជាលុយក្នុងចំនួនល្មមតែប៉ុណ្ណោះ ធ្វើឲ្យអ្នករាល់គ្នាចាប់ផ្ដើមសង្ស័យថា នេះមិនមែនជាករណីប្លន់ទេ អាចជាករណីចង់សម្លាប់មនុស្ស ព្រោះជនដៃដល់ បានធ្វើសកម្មភាពបាញ់យកៗតែម្តង មិនប្រណីដៃ ក្នុងពេលនោះ។
លើសពីនេះ បើមើលតាមរយៈកាមេរ៉ាសុវត្ថិភាព គេឃើញថា បុរសដែលជាជនបង្កហេតុរូបនោះ មិនសមជាចោរទេ ព្រោះគ្រាន់តែស្បែកជើង ដែលរូបគេពាក់ជាប៊្រេនដ៏ល្បី Yezzy មានតម្លៃ១ពាន់ដុល្លារជាងឯណោះ។
យ៉ាងណាមិញ ចំពោះរឿងរ៉ាវលម្អិត ជុំវិញហេតុការណ៍នេះ មិនទាន់បានបញ្ជាក់ឲ្យច្បាស់នៅឡើយទេ មានតែចាំតាមដានមើលបន្តទៀតជាមួយគ្នា៕