ចុម មុខក្មួយស្រីPat Napapa ស្អាតប៉ុណ្ណឹងហើយ នៅដឹកដៃក្មួយទៅកែទៀត

ថៃ៖ មានអ្នកគាំទ្រជាច្រើន​ពិតជាមានការងឿងឆ្ងល់ថា​ តើអ្នកម្តាយដ៏ស្រស់ស្អាតម្នាក់នេះ ដែលជាតារាសម្ដែងថៃមួយរូប Pat napapa បាននាំក្មួយស្រីរបស់គាត់ឈ្មោះ Natt Chattanan ធ្វើការវះកាត់ នៅប្រទេសកូរ៉េ។ បន្ទាប់ពីមានការបង្ហោះរូបថតជាមួយនឹងវេជ្ជបណ្ឌិតនៅគ្លីនិកវះកាត់ ក្នុងនោះ នាង Natt ដែលជាក្មួយស្រីរបស់ Pat Napapa ស្លៀកពាក់ខោអាវអ្នកជំងឺពណ៌បៃតង ត្រៀមខ្លួនទទួលការវះកាត់យ៉ាងពេញលេញ។

កាលពីថ្មីៗនេះដែរ ក៏មានការបង្ហាញបទសម្ភាសន៍ជាមួយនឹង Pat Napapa ក្នុងការបើកចំហអំពីបញ្ហាមួយនេះ។ ដោយនាង Pat Napapa  បានបង្ហើបឱ្យដឹងថា ក្មួយស្រីរបស់នាងបានធ្វើវិធីសម្រកទំងន់ជាច្រើនរួមមាន ការធ្វើលំហាត់ប្រាណ  ជួលគ្រូបង្វឹកខណៈពេលដែល ញ៉ាំអាហារតិចជាងមុនទៅទៀត ប៉ុន្តែនៅតែមិនស្គមដូចអ្វីដែលបានគិតទុក ដូច្នេះទើបសម្រេចចិត្តទៅប្រទេសកូរ៉េដើម្បីធ្វើការវះកាត់ តែលទ្ធផលនឹងចេញមកបែបណានោះ ត្រូវរង់ចាំមើលសិនហើយ។

យ៉ាងណាមិញ នៅពេលត្រូវបានគេសួរថា Pat Napapa ថា តើនាងចាប់អារម្មណ៍នឹងការវះកាត់ដែរឬទេ?  Pat Napapa បានឆ្លើយតបវិញថា នាងខ្លាចមុខរបួសណាស់ ហើយក៏ខ្លាចផងដែរថាបើមាន​ការផ្លាស់ប្តូរ វានឹងមិនអីទេមែនទេ? ពួកគេមានអារម្មណ៍ថា ការវះកាត់នៅប្រទេសកូរ៉េ ពួកគេមិនអាចធ្វើតាមនិន្នាការរបស់ពួកគេបានទេ ដោយសារតែការវះកាត់ មាននិន្នាការ ឧទាហរណ៍ ដូចជា មានមុខតូច ប៉ុន្តែបច្ចុប្បន្ននេះ និន្នាការនេះបានផ្លាស់ប្តូរឱ្យមានថ្ពាល់ជំនួសវិញ ដូច្នេះពួកគេគិតថាពួកគេនឹងស្រស់ស្អាត និងសមទៅតាមស្ទាយ៍របស់ពួកគេផងដែរ។

តែយ៉ាងណា​ Pat Napapa ក៏បានប្រាប់ថា នាងមិនចង់វះកាត់កែសម្ផស្សអ្វីទៀតទេ ចង់បានដូចឥឡូវនេះគឺល្អបំផុត គឺសុំតែមានស្បែកស្អាតបានហើយ សម្រាប់ភ្នែក និងច្រមុះ គឺវាគ្មានបញ្ហាអ្វីនោះទេ៕

សូមទស្សនារូបភាពខាងក្រោម៖