មោទនភាពណាស់! ពេជ្រ សោភា លើកសិល្បៈបុរាណ សម្តែងលើឆាក និយាយទាំងអួលដើម.កថា......(មានវីដេអូ)

ភ្នំពេញ៖ តារាស្រីជើងចាស់ អ្នកនាងពេជ្រ សោភា កាន់តែឡើងកូដខ្លាំងពីមួយថ្ងៃទៅមួយថ្ងៃ ក្រោយការសម្តែង ក៏ដូចជាបទចម្រៀងថ្មីៗរបស់នាង សុទ្ធតែទទួលបាននូវការគាំទ្រយ៉ាងខ្លាំងពីសំណាក់ហ្វេនៗជាច្រើន ជាពិសេសការតែងខ្លួនរបស់នាងតែងតែថ្មីប្លែកៗជានិច្ច។

ដោយឡែកមួយរយៈពេលនេះឃើញថាតារាស្រីរូបនេះ ទទួលបាននូវការគាំទ្រយ៉ាងខ្លាំង ក្រោយនាងតែងតែនាំយកសិល្បៈបុរាណខ្មែរ ទៅសម្តែងនៅក្នុងបទចម្រៀងថ្មីរបស់ខ្លួន ក៏ដូចជានាំយកការសម្តែងទាំងនេះទៅលើឆាកចែកជូនក្មេងៗជំនាន់ក្រោយបានទស្សនាបានដឹង និងស្គាល់ផងដែរ។

ជាក់ស្តែង កាលពីពេលថ្មីៗនេះដែរ តារាស្រីរូបនេះ បានធ្វើការសម្តែងបានយ៉ាងល្អគួរឲ្យសរសើរ ជាមួយនឹងការលើកយកនូវសិល្បៈករបុរាណ ដែលធ្វើឲ្យអ្នកទស្សនានៅទីនោះ ពិតជាព្រឺសម្បុរ និងមានមោទនភាពយ៉ាងខ្លាំងចំពោះរូបនាង ដែលបានធ្វើការបង្ហាញការសម្តែងបានយ៉ាងល្អ។ មិនត្រឹមតែប៉ុណ្ណោះពេលសម្តែងចប់ នាងក៏បានផ្តាំ និងនិយាយទៅកាន់ក្មេងៗជំនាន់ក្រោយ​ទាំងអួលដើម.ក ឲ្យថែរក្សានូវសិល្បៈបុរាណខ្មែរទាំងអស់គ្នា យ៉ាងក្តុកក្តួល។

ជាមួយគ្នានេះដែរ​បណ្តាហ្វេនៗជាច្រើនពិតជាសរសើរដល់នាង ដែលជាតារាស្រីម្នាក់ដែលលះបង់ខ្លាំងចំពោប្រទេស ដើម្បិឲ្យក្មេងជំនាន់ក្រោយបានដឹង និងខ្លាចបាត់បង់ នាងសុខចិត្តសម្តែងនៅលើឆាកម្តងៗទាំងហត់៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖