ភ្នំពេញ៖ ផ្ទុះការចាប់អារម្មណ៍ ដោយកាលពីថ្មីៗនេះ តារារ៉េបកំពុងល្បីឈ្មោះ វណ្ណាដា បានបង្ហោះនូវរូបថតជួបជុំគ្រួសារជាច្រើនសន្លឹក ក្នុងអំឡុងពេលដើរលេងកម្សាន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងថា មិនប៉ុន្មានម៉ោងមុននេះ តារារ៉េប វណ្ណដា ម្ចាស់បទ«J+O» បានបង្ហោះរូបថតជាច្រើនសន្លឹក នៅលើគណនីសង្គមហ្វេសប៊ុកផ្ទាល់ខ្លួនរបស់លោក ដែលលោកបាននាំឪពុកម្តាយបង្កើតរបស់លោក ដើរលេងលំហែកាយ នៅលើផ្ទៃសមុទ្រកោះរ៉ុងសន្លឹម ដែលជាឆ្នេរសមុទ្រដ៏ស្រស់ស្អាតបំផុតមួយ ប្រចាំប្រទេសកម្ពុជា យ៉ាងសប្បាយរីករាយ។
យ៉ាងណាមិញ នេះអាចនិយាយបានថា គឺជារូបថតកម្រជួបជុំគ្រួសារដ៏កម្រមួយ របស់តារារ៉េប វណ្ណាដា ដែលប្រិយមិត្តទស្សនិកជនបានឃើញ ពីព្រោះថាកន្លងមក ចាប់តាំងពីមានកេរ្តិ៍ល្បីល្បាញមកទល់សព្វថ្ងៃនេះ គេកម្រនឹងឃើញ វណ្ណាដា បង្ហោះរូបថតជាមួយនឹងឪពុកម្តាយជួបជុំគ្រួសារបែបនេះណាស់ ហើយនេះគឺជាលើកទី១ហើយ ដែលលោកបានបង្ហោះរូបដើរលេងជួបជុំគ្រួសារ ក្រោយឆ្លងឆ្នាំថ្មី យ៉ាងមានសេចក្តីសុខ នៅលើផ្ទៃសមុទ្របែបនេះផងដែរ៕