មនុស្សស្រីជាច្រើនគិតថា កើតមកជាស្រីស្អាតពិតជាសំណាងណាស់។ តែមែនទែនទៅមានទិដ្ឋភាពមិនតិចទេបានបង្ហាញថា កើតមកជាស្រីស្អាត គឺអភ័ព្វទៅវិញទេ ពីព្រោះថាមនុស្សស្រីខ្លះស្រឡាញ់រូបសម្បត្តិស្អាតល្អជាងសមត្ថភាព ដែលធ្វើឲ្យកែវភ្នែក​របស់គេពិបាករកមើលបុរសល្អ។

កាលដែលគ្មានសមត្ថភាពមើលបុរសល្អ ឬគ្មានកែវភ្នែកល្អមើលបុរសល្អ គឺជាហេតុបណ្តាល​ឲ្យមនុស្សស្រីជួបមនុស្សប្រុសដែលមានមុខគ្រប់ប្រភេទ និងសម្តីបោកប្រាស់គ្រប់ស្នៀត។ មនុស្សស្រី ទោះជាចង់ឬមិនចង់ ប្រហែលជាត្រូវចូលក្នុងកន្លុកព្រានសិន ទើបរកមនុស្សល្អ​ឃើញ។ចង់រកមនុស្សល្អពិត ត្រូវរកពេលខ្លួនដុនដាប រកពេលខ្លួនគ្មានអ្វីសោះ ទើបអាចដឹងថា អ្នកណាស្មោះ ឬអ្នកណាត្រឹមតែចង់លេងសើចជាមួយយើង។

វាអាចជាហេតុផលសមស្របមួយ ដែលមនុស្សស្រីសម័យថ្មីមិនតិចទេ ដែលកំពុងរកវិធីរៀន​ឲ្យពូកែ និងអភិវឌ្ឍន៍សមត្ថភាពដើម្បីបានខ្ពង់ខ្ពស់ឈានដល់ការចេះគ្រប់គ្រងខ្លួនឯងបាន។​ ​មូលហេតុ ព្រោះពួកគេចង់មានភាពឯករាជ្យ ហើយជៀសឲ្យឆ្ងាយពីបុរសដែលមានតែរូបសម្បត្តិ គិតតែពីរឿងស្នេហា និងស្វែងរកវិធីឲ្យបាននៅក្បែរស្រីៗ។ ចង់ជៀសវាង ដោយសារមានសម្រស់ តែគ្មានសមត្ថភាព មិនមែនជាក្តីប្រាថ្នារបស់មនុស្សស្រីរឹងមាំឡើយ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ