ភ្នំពេញ៖ តារាកំប្លែងនាយក្រូច បច្ចុប្បន្ននេះលោកមានយូធូបផ្ទាល់ខ្លួន ដែលតែងតែបង្ហាញនូវជីវិតរបស់អ្នកសិល្បៈមួយចំនួន តាមរយៈការបង្ហោះវីដេអូជាច្រើនយ៉ាងគួរឲ្យចាប់អារម្មណ៍ ស្របពេលដែលមានអ្នកតាមដានរាប់ពាន់នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ មានការចាប់អារម្មណ៍យ៉ាងខ្លាំងទៅលើវីដេអូមួយរបស់តារារូបនេះ ខណៈពេលដែលមានការងឿងឆ្ងល់ និងចង់ដឹងខ្លាំងនៅពីក្រោយការតុបតែងខ្លួន មុនពេលឡើងឆាករបស់តារាកំប្លែងនីមួយៗ ជាមួយនឹងមុខមាត់ប្លែកៗ។
នៅក្នុងនោះដែរ តារាប្រុសរូបនេះបានធ្វើការបង្ហាញជាមួយនឹងការតុបតែងខ្លួន បែបជាមនុស្សចាស់ ដោយមើលទៅលោកលះបង់ខ្លាំងតែម្តង ដោយត្រូវយកម្ស៉ៅលាបនៅលើមុខមាត់ និងសក់ឲ្យមើលទៅឃើញចាស់ មិនត្រឹមតែប៉ុណ្ណោះលោកក៏បានយកទានគូសភ្នែកមកគូសយ៉ាងខ្មៅ ឲ្យមានសភាពជ្រួញចាស់ ឲ្យសមនឹងអ្វីដែលចង់បាននៅពេលដែលសម្តែង។
តាមរយៈវីដេអូមួយនេះ ពិតជាទទួលបានការចាប់អារម្មណ៍ខ្លាំង ព្រោះពិតជាកម្រដែលឃើញអ្នកសិល្បៈ បង្ហាញបីការតុបតែខ្លួនរបស់ខ្លួន មុនពេលឡើងឆាកបែបនេះតែម្តង៕
សូមទស្សនារូបភាពខាងក្រោមនេះ៖