អ៊ីតាលី៖ គ្រូបង្វឹក្រុមសេះបង្កង់ Juventus លោក Maurizio Sarri បាននិយាយថា កាលដែលលោកនៅជាកីឡាករមិនទាន់ចាប់អាជីពជាគ្រូបង្វឹកលោកមិនសូវជក់បារីច្រើនដូចពេលនេះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Sarri បាននិយាយពីទម្លាប់នៃការជក់បារីរបស់លោកក្នុងកម្មវិធី Figline Valdarno 100 years ក្រោយត្រូវបានអ្នកកាសែតសួរពេលដែលលោកនៅវ័យជំទង់លោកជក់បារីច្រើនឬទេ? ដោយលោកឆ្លើយទៅវិញថា៖
"ទេ! កាលខ្ញុំនៅជាកីឡាករខ្ញុំជក់តែថ្ងៃអាទិត្យប៉ុណ្ណោះ ហើយមិនដែលជក់ក្នុងថ្ងៃធម្មតាទេ។"
យ៉ាងណាមិញយោងតាមកាសែត The Mirror លោក Sarri ធ្លាប់និយាយប្រាប់ថាមួយថ្ងៃលោកជក់មិនក្រោម៦០ដើម (៣កញ្ចប់) នោះទេ។ ហើយប្រភពដដែលបានបន្ថែមទៀតថា កាលលោកចុះកុងត្រាដឹកនាំក្លិប Chelsea ក្លិបតោខៀវមានគម្រោងសាងសង់បន្ទប់មួយក្នុងកីឡដ្ឋាន Stamford Bridge ត្រៀមសម្រាប់ឲ្យលោកជក់បារីបានកំឡុងពេលប្រកួតថែមទៀតផង ដោយសារច្បាប់នៅ Premier League មិនអនុញ្ញាតឲ្យជក់បារីលើទីលាន៕
ប្រភព៖ allfootballapp
Bong I.T