MV បទ«ស្នេហា Private» របស់ STEP ចេញយប់មិញ ផ្ទុះកក្រើក ចាក់ដោតចិត្តអ្នកពូកែ Private! (មានវីដេអូ)

ភ្នំពេញ៖ កាលពីយប់មិញនេះ តារាចម្រៀងប្រុសរូបសង្ហាដូចតួកូរ៉េ ប្រចាំផលិតកម្ម ហង្សមាស លោក STEP បានបញ្ចេញនូវ MV បទចម្រៀងថ្មីរបស់ខ្លួនចំណងជើងថា «ស្នេហា Private» ដែលធ្វើឲ្យផ្ទុះកក្រើក និងចាក់ដោតចិត្តអ្នកទស្សនាជាខ្លាំង។

ជាការពិតណាស់ MV ថ្មីមួយនេះ ត្រូវបានចូលរួមសម្តែងដោយ តារាសម្តែងស្រីកំពុងពេញនិយម កញ្ញា Je Leng ហើយអ្វីដែលគួរឲ្យចាប់អារម្មណ៍ជាងនេះទៅទៀតនោះ គឺអត្ថន័យបទចម្រៀង ក៏ដូចជាសាច់រឿងសម្តែងនៅក្នុង MV មួយបទនេះ គឺពិតជាមានអត្ថន័យចាក់ដោតចំចិត្តយុវវ័យ ដែលកំពុងតែមានស្នេហាបែបលួចលាក់ខ្លាចគេដឹង ឬហៅថា ស្នេហាបែប Private ខ្លាំងមែនទែន។

មិនតែប៉ុណ្ណោះ ក្រៅពីនេះ អ្នកគាំទ្រក៏ថែមទាំងបានចាប់អារម្មណ៍ឃើញថា ទាំងបទចម្រៀង ក៏ដូចជាការដឹកនាំ MV បទមួយនេះ គឺសុទ្ធសឹងតែជាការផលិតនិងរៀបចំ ដោយម្ចាស់បទគឺលោក STEP ផ្ទាល់តែម្តង ដែលទាំងនេះកាន់តែធ្វើឲ្យមហាជនមានភាពកោតសរសើរ ចំពោះសមត្ថភាពដ៏ប៉ិនប្រសប់របស់តារាចម្រៀងរូបនេះផងដែរ៕