ថៃ៖ បន្ទាប់ពី តារាសម្ដែងស្រីដ៏ឆ្នើម នាង Mew Nittha ត្រូវបានបុរសជាគូស្នេហ៍ សុំរៀបការយ៉ាងផ្អែមល្ហែម លើទឹកដីប្រទេសអ៊ីតាលីរួចមក មានប្រិយមិត្តជាច្រើន ចាំតាមដានពី ជីវិតគូស្នេហ៍របស់នាងជាប្រចាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ ស្របពេលដែល ជិតដល់ថ្ងៃមង្គលការ Mew Nittha និងអនាគតស្វាមី បានដឹកដៃគ្នាទៅថតរូបភាព សម្រាប់ជា Pre-Wedding យ៉ាងប្លែកភ្នែក គួរឲ្យចាប់អារម្មណ៍ណាស់។
តាមរយៈរូបថតជាច្រើនសន្លឹកនោះដែរ Mew និងម្ចាស់បេះដូង បានតុបតែងខ្លួន ជាមួយអាវសបែបគូស្នេហ៍ដូចគ្នា អមដោយកាយវិការកៀកកើយ យ៉ាងស្និទ្ធស្នាល និងបរិយាកាសក្នុងព្រៃដ៏ស្ងប់ស្ងាត់ផងនោះ មើលទៅរ៉ូមែនទិកខ្លាំងណាស់។
បន្ទាប់ពីឃើញកម្រងរូបភាពទាំងនោះហើយ ធ្វើឲ្យហ្វេនៗទាំងអស់ សរសើរថា អ្នកទាំងពីរពិតជាមើលទៅសាកសមគ្នាខ្លាំងណាស់ ព្រមទាំងទន្ទឹងរង់ចាំមើល ថ្ងៃពិសេសរបស់ពួកគេផងដែរ៕