កូរ៉េខាងត្បូង៖ កាលពីពេលថ្មីៗនេះBambam ដែលជាសមាជិកក្រុមGOT7 បានធ្វើដំណើរទៅចូលរួម ការប្រគំតន្ត្រីក្នុងប្រទេសថៃសម្រាប់ ព្រឹត្តិការណ៍CPFrankster ហើយក៏ជាការសម្តែងទោល ជាលើកដំបូងរបស់គេ ក្នុងបទចម្រៀងDo You ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាម៉ិញ ក្នុងអំឡុងពេលប្រគុំតន្ត្រីនោះBambam ក៏មានឱកាសក្នុង ការនិយាយអំពីគោលដៅក៏ដូចជា ប្រជាប្រិយភាពរបស់ក្រុមGOT7 ជាមួយអ្នកគាំទ្រដោយពេលនោះ រូបគេបាននិយាយត្រង់ៗដល់ អ្នកគាំទ្រនៅក្នុងទីនោះថា៖
“ពេលខ្លះខ្ញុំមានអារម្មណ៍ថា បាក់ទឹកចិត្តក៏ព្រោះតែប្រតិកម្ម(របស់សាធារណៈជនទូទៅ) មិនល្អៗដែលធ្វើមកដាក់ពួកយើង (នៅក្នុងប្រទេសកូរ៉េខាងត្បូង) ដែលទុកពួកយើងមិនមែនជាអ្វី ទាល់តែសោះ ក៏ប៉ុន្តែខុសប្លែកនៅទីនេះគឺ មានអ្នកគាំទ្រជាច្រើនដែលតែងតែ គាំទ្រមកកាន់ពួកយើងតាំងតែពីពេលដែល ពួកយើងចាប់ផ្តើមក្នុង ថ្ងៃទី១មកម្ល៉េះ។ ហើយនៅពេលដែលខ្ញុំត្រឡប់មកទីនេះ ខ្ញុំមានអារម្មណ៍ថាខ្ញុំពិតជាមានតម្លៃខ្លាំងណាស់។”
គួរបញ្ជាក់ផងដែរថា កាលពីពេលកន្លងទៅនេះ ក៏មានការលេចលឺនៅបញ្ហាដែលថាកម្មវិធីMnet បានជាប់ទាក់ទងនឹង ភាពចម្រូងចម្រាសចំពោះក្រុមGOT7 បន្ទាប់ពីកម្មវិធីប្រគល់ពានរង្វាន់ដ៏ធំប្រចាំឆ្នាំMAMA ក្នុងឆ្នាំ២០១៩ នេះផងដែរ។ ក៏ប៉ុន្តែទោះយ៉ាងណាទាក់ទងនឹងរឿងរ៉ាវទាំងនេះ ក៏មិនទាន់មានភាពច្បាស់លាស់ ឬមានការបកស្រាយឲ្យច្បាស់ ពីខាងកម្មវិធីនៅឡើយនោះទេ ៕
Bong I.T