ហ្វីលីពីន៖ ការប្រកួតវគ្គជម្រុះវិញ្ញាសាគុនខ្មែរនារី ប្រភេទទម្ងន់ ៥៤គីឡូក្រាម ក្នុងព្រឹត្តិការណ៍កីឡាស៊ីហ្គេមលើកទី៣០ កាលពីម្សិលមិញ កីឡាការិនីកម្ពុជា អ៊ុំ ថារ័ត្ន (សំ ថារ័ត្ន) បានប្រកួតចាញ់កីឡាការិនី វៀតណាម Bui Yen Ly ដោយពិន្ទុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតពេញ៣ទឹក កីឡាការិនីវៀតណាម Bui Yen Ly បានឈ្នះដោយពិន្ទុឯកច័្ឆន ៣០-២៧ ដែលបានធ្វើឲ្យ សំ ថារ័ត្ន បាត់បង់ឱកាសឡើងទៅដណ្ដើមមេដាយ។
គួរឲ្យដឹងដែរថា កីឡាការិនី Bui Yen Ly គឺជាម្ចាស់មេដាយពិភពលោកវិញ្ញាសាប្រដាល់សេរីរបស់ប្រទេសវៀតណាម។
សម្រាប់វិញ្ញាសាគុនខ្មែរនៅស៊ីហ្គេមឆ្នាំនេះ កម្ពុជាបានបញ្ជូនកីឡាករ និងកីឡាការិនីទៅចូលរួមចំនួន៥រូប ក្នុងនោះមាន ឡៅ ចិត្រា និង ហ៊ីម គីមរៀង បានកក់មេដាយសំរិទ្ធរួចរាល់, កីឡាការិនី សំ ថារ័ត្ន ធ្លាក់ត្រឹមវគ្គជម្រុះ ចំណែកឯ វ៉ាន់ វឿន និងតាញ់ មករា នឹងប្រកួតនៅថ្ងៃនេះ។