ភ្នំពេញ៖ ប្រិយមិត្តប្រាកដជាជ្រាបហើយថា តារាចម្រៀងរ៉េបល្បីឈ្មោះប្រចាំស្រុកខ្មែរ លោក G-Devith គឺជាហ្វេនផ្តាច់មុខរបស់កំពូលតារារ៉េបប្រចាំប្រទេសកូរ៉េ G-Dragon មេក្រុម Big Bang ដោយភាគច្រើនលោកតែងតែ និយមចូលចិត្តលេងស្ទាយ៍តុបតែងខ្លួនដូចជា G-Dragon និងតែងតែគាំទ្ររាល់បទចម្រៀង ក៏ដូចជាផលិតផលរបស់តារាប្រុសរូបនេះជាដើមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ក៏ដូចជាថ្មីៗនេះ តារាប្រុសG-Devith ក៏ទើបតែកុម៉្មងទិញស្បែកជើងម៉ាក Nike Sport Wear មួយគូ ដែលត្រូវបានគេដឹងថា ជាស្បែកជើងដែលមានលក្ខណៈពិសេសខុសប្លែកពី ស្បែកជើងNike ដ៏ទៃទៀត ដោយសារស្បែកជើងដែល G-Devith បានទិញនេះ គឺជាស្បែកជើងដែលត្រូវបានច្នៃម៉ូតសិល្បៈដោយគំនិតច្នៃប្រឌិតដោយផ្ទាល់ដៃ ដោយតារារ៉េបប្រុស G-Dragon និងត្រូវបានគេដាក់ឈ្មោះស្បែកជើងNikeនេះថា «The Nike Air Force 1 Para-Noise» ។
ហើយនេះយោងតាមការបង្ហោះរបស់ តារាប្រុស G-Devith បានឲ្យដឹងថា ស្បែកជើងដ៏ពិសេសមួយគូនេះ មានតម្លៃ ៤៩៧ដុល្លារអាមេរិក រួមបញ្ចូលទាំងតម្លៃបង់ពន្ធ ១៦៥ដុល្លារទៀត គឺមានតម្លៃ ៦៦២ដុល្លារផងដែរ៕