ហ្វីលីពីន៖ ព្រឹត្តិការណ៍ការប្រកួតកីឡាស៊ីហ្គេមលើកទី៣០ បានបើកជាផ្លូវការហើយកាលពីយប់មិញ ក្រោមអធិបតីភាពរបស់ប្រធានាធិបតីប្រទេសហ្វីលីពីនលោក Rodrigo Duterte និងមានការចូលរួមពីថ្នាក់ដឹកនាំ ប្រតិភូ និងអត្តពលិកគ្រប់បណ្ដាប្រទេសទាំងអស់ដែលជាសមាជិកអាស៊ាន ដែលរៀបចំឡើងយ៉ាងកក្រើកនៅកីឡដ្ឋាន​ Philippines Arena។

ជាមួយគ្នានេះ ថ្នាក់ដឹកនាំនិងអត្តពលិករបស់កម្ពុជា ក៏បានចូលរួមក្នុងពិធីបើកនោះផងដែរ ក្រោមការដឹកនាំរបស់ឯកឧត្តម ថោង ខុន ប្រធានគណៈកម្មធិការជាតិអូឡាំពិចកម្ពុជា (NOCC) និងឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា។

គួរឲ្យបញ្ជាល់ផងដែរថា ស៊ីហ្គេមលើកទី៣០នៅប្រទេសហ្វីលីពីនលើកនេះ នឹងចាប់ផ្ដើមពីថ្ងៃទី៣០ ខែវិច្ឆិកា រហូតដល់ថ្ងៃទី១១ ខែធ្នូ ខណៈកម្ពុជាបានបញ្ជូនកីឡាករចំនួន ២៧៦នាក់ដើម្បីចូលរួមប្រកួតលើ ៣១ប្រភេទកីឡាក្នុងចំណោម៥៦ប្រភេទកីឡាដែលម្ចាស់ផ្ទះបានកំណត់៕

សូមទស្សនារូបភាពព្រឹត្តិការណ៍នៃការបើកការប្រកួតកីឡាស៊ីហ្គេមលើកទី៣០ នៅខាងក្រោម៖
រូបភាព៖ ទំព័រ Facebook ផ្លូវការ Cambodia SEA GAMES 2023

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]