ដឹងតែផ្អើលរោងហើយ អ្នកច្រៀងកាត់សក់មង្គលការ ប៉ែន ចំរ៉ុង សុទ្ធតែជើងខ្លាំង៣នាក់នេះ! (មានវីដេអូ)

ភ្នំពេញ៖ ទីបំផុតពិធីករប្រុសប្រិមប្រិយលោក ប៉ែន ចំរ៉ុង បានសម្រេចចិត្តចូលរោងការសិរីមង្គលជាមួយនឹង អនាគតភរិយាជាទីស្រលាញ់ នៅថ្ងៃនេះហើយនៅឯវិមានពិភពថ្មីសែនសុខ អគារ B។

តួយ៉ាង នាកម្មវីធីហែរជំនូនពេលព្រឹកនេះ យើងសង្កេតឃើញថា មានវត្តមានសាច់ញាតិចាស់ទុំទាំងសងខាង ជាពិសេសគឺវត្តមានមិត្តៗសិល្បករ មកចូលរួមយ៉ាងច្រើនអធិកអធម ប្រកបទៅដោយភាពសប្បាយរីករាយទាំងព្រឹកព្រលឹមតែម្តង។

មិនតែប៉ុណ្ណោះ អ្វីដែលគួរឲ្យចាប់អារម្មណ៍ជាងនេះទៅទៀតនោះ ពិធីរៀបមង្គលការរបស់ ប៉ែន ចំរ៉ុង នាព្រឹកនេះគឺលេងឈុតធំតែម្តង ដោយមានអ្នកចម្រៀងច្រៀងភ្លេងការ រហូតដល់ទៅ៣គូ ឯណោះ ដែលសុទ្ធសឹងតែជាជើងខ្លាំង ជំនាញខាងវោហាស័ព្ទតែម្តង ដោយក្នុងនោះមានដូចជា តារាកំប្លែងស្រីអ្នកនាង កាតុ អ្នកនាង ខាត់ សុឃីម អ្នកនាង ខ្ញុង និងតារាកំប្លែងប្រុសដូចជា លោក ចាបចៀន លោក ខាត់ ចំរើន និងនាយ គ្រឿន​ផងដែរ។

ចង់ដឹងថាកម្មវិធីបន្ទាប់ កាន់តែមានភាពសប្បាយរីករាយយ៉ាងណានោះ មានតែរង់ចាំមើលបន្តទាំងអស់គ្នាហើយ៕