អ៊ីតាលី៖ កំពូលខ្សែប្រយុទ្ធ Cristiano Ronaldo បានអវត្តមានក្នុងការបង្ហាញខ្លួនលើទីលានក្នុងការប្រកួតដែល Juventus យកឈ្នះ Atalanta ១ទល់នឹង៣ កាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ អ្នកចាត់ការទូទៅរបស់ Juventus លោក Maurizio Sarri បានឲ្យដឹងថាតាមពិតទៅលោកមិនមានការព្រួយបារម្ភនោះទេក្នុងការប្រកួតជាមួយ Atalanta បើទោះបីជាមិនមានវត្តមានរបស់ខ្សែប្រយុទ្ធ Ronaldo។
ចំពោះមូលហេតុដែល Ronaldo មិនបានចូលលេងកាលពីម្សិលមិញលោក Sarri បានឲ្យដឹងថាដោយសារតែខ្សែប្រយុទ្ធជម្រើសជាតិព័រទុយហ្គាល់រូបនេះមានបញ្ហារបួសជង្គង់ ហើយលោកចង់ឲ្យគេសម្រាក។
យ៉ាងណាមិញ អ្នកចាត់ការទូទៅសញ្ជាតិអ៊ីតាលីរូបនេះរំពឹងថា Ronaldo នឹងអាចត្រឡប់មកបង្ហាញខ្លួនឲ្យ Juventus វិញបានក្នុងការប្រកួតពានរង្វាន់ UEFA Champions League ជាមួយនឹង Atletico Madrid នៅថ្ងៃអង្គារ៍សប្ដាហ៍ក្រោយ៕
ប្រភព៖ FoxSportsAsia