អ៊ីតាលី៖ ក្លិបសេះបង្កង់ Juventus បានវាយបកយកឈ្នះម្ចាស់ផ្ទះ Atalanta ដោយលទ្ធផល ១ទល់នឹង៣ បន្តភាពមិនទានចាញ់ ១៣ប្រកួតក្នុងការប្រកួតក្របខណ្ឌ Serie A នៅរដូវកាលនេះ កាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតនៅក្នុងវគ្គទី១ ក្រុមទាំងពីរមិនមានការទម្លុះសំណាញ់ទីគ្នានោះទេ។ ប៉ុន្តែចូលដល់វគ្គទី២ នៅនាទី៥៦ ម្ចាស់ផ្ទះ Atalanta បានបើកការនាំមុខមុនមកលើ Juventus ដោយការតែតរបស់កីឡាករ Robin Gosens។
ការប្រកួតអូសបន្លាយដល់នាទីទី៧៤ទើប Juventus បានតាមស្មើវិញដោយគ្រាប់បាល់របស់ខ្សែប្រយុទ្ធអាហ្សង់ទីន Gonzalo Higuain មុននឹងបន្តរកបាន ២គ្រាប់ទៀតដោយ Higuian នៅនាទី៨២ និង Paulo Dybala នៅនាទី៩០+២។
នៅក្នុងការប្រកួតនោះមានការប៉ះទង្គិចគ្នាខ្លាំងមែនទែនដោយខាងម្ចាស់ផ្ទះបានបង្កកំហុសដល់ទៅ១៧ដង ខណៈ Juventus បង្កកំហុស ១៣ដង។ ខណៈដែលលោកអាជ្ញាកណ្ដាលបានចាយកាតលឿងដល់ទៅ៨។
ក្រោយទទួលបាន ៣ពិន្ទុពីការប្រកួតនោះ Juventus បានបន្តឈរនៅកំពូលតារាង និងភាពមិនទាន់ចាញ់ដដែល ដោយ១៣ប្រកួត ឈ្នះ១១ និងស្មើ២ មាន៣៥ពិន្ទុ តាមពីក្រោយដោយ Inter Milan ដែលមាន ៣៤ពិន្ទុបន្ទាប់ពី ១៣ប្រកួត ឈ្នះ១១ ស្មើ១ និងចាញ់១៕