ភ្នំពេញ៖ បង្កការភ្ញាក់ផ្អើលដោយកាលពីថ្មីៗនេះ តារាពហុជំនាញអ្នកនាង កាតុ បានធ្វើការបង្ហោះនូវរូបថតឈុតក្រៅឆាកមួយសន្លឹក នៅក្នុងបទ«ផ្កាក្រដាស» របស់ផលិតកម្ម ថោន ដែលត្រៀមនឹងចេញក្នុងពេលឆាប់ៗខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងថា នៅក្នុងរូបថតមួយសន្លឹក ដែលកាតុបានបង្ហោះនេះ គឺមានភាពទាក់ទាញយ៉ាងខ្លាំង នៅត្រង់រ៉ូបដែលនាងកំពុងតែស្លៀកតែម្តង។ ជាការពិតណាស់ នេះបើតាមឃើញ រ៉ូបដែលកាតុបានស្លៀកនេះ គឺបានច្នៃម៉ូតនិងបានរៀបចំធ្វើឡើង ដោយគ្របដណ្តប់ទៅដោយ ក្រដាសប្រាក់ដុល្លារទាំងមូលនៅលើផ្ទៃរ៉ូបតែម្តង។ លើសពីនេះ មិនថាតែដៃរ៉ូប ខ្សែ.ក ឬប៊ូពាក់លើសក់តែប៉ុណ្ណោះនោះទេ ក៏សុទ្ធសឹងតែបត់ច្នៃចេញពីក្រដាសប្រាក់ដុល្លារផងដែរ។
យ៉ាងណាមិញ ក្រោយពីឃើញបែបនេះ អ្នកគាំទ្រជាច្រើនក៏បានលាន់មាត់សរសើរយ៉ាងខ្លាំង ពីគំនិតដ៏ច្នៃប្រឌិតដ៏ប៉ិនប្រសប់មួយនេះ ដែលពួកគេអាចយកក្រដាសប្រាក់ មកចាក់ច្នៃចេញជារ៉ូបមួយម៉ូត យ៉ាងស្រស់ស្អាតទាក់ទាញប្លែកភ្នែកផងដែរ៕