រាជធានីភ្នំពេញ ៖ ជនសង្ស័យ២នាក់ជាមុខសញ្ញាឆក់យ៉ាងសកម្មត្រូវបានប្រជាពលរដ្ឋដេញរត់ភ័យធ្លាក់ចូលទឹកស្រះឃាត់បានភ្លាមៗ ប្រគល់ឱ្យសមត្ថកិច្ចយកទៅសាកសួរបង្កឱ្យមានការភ្ញាក់ផ្អើលកាលពីវេលាម៉ោង៨នឹង៣០នាទីយប់ ថ្ងៃទី២០ ខែវិច្ឆិកា ឆ្នាំ២០១៩ ឃាត់នៅសង្កាត់ទី២ប្រគល់ឱ្យសង្កាត់ចោមចៅទ១វិញ ខណ្ឌពោធិ៍សែនជ័យ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជនសង្ស័យទី១-ឈ្មោះ អឿន វុទ្ធី ភេទប្រុស អាយុ២៦ឆ្នាំ មុរបរបិទស្កុតម៉ូតូ នៅភូមិបាកាល ឃុំផ្អាវ ស្រុកបាធាយ ខេត្តកំពង់ចាម ជនសង្ស័យជិះម៉ូតូម៉ាកហុងដាឌ្រីម ស៊េរីឆ្នាំ២០១៩ ពណ៌ខ្មៅ ពាក់ផ្លាកលេខ កំពង់ចាម 2M-3319 និងជនសង្ស័យម្នាក់ទៀតឈ្មោះ វុង កក្កដា ភេទប្រុស អាយុ១៩ឆ្នាំ មុខរបរកម្មកររោងចក្រ រស់នៅស្រុកពាមរ ខេត្តព្រៃវែង ។
តាមប្រភពព័ត៌មានពីសមត្ថកិច្ចបានឲ្យដឹងថា នៅមុនពេលកើតហេតុមានប្រជាពលរដ្ឋបានរាយការណ៍ប្រាប់សមត្ថកិច្ចថា ជនសង្ស័យ២នាក់ឆក់ទូរស័ព្ទប្រជាពលរដ្ឋត្រូវបានសមត្ថកិច្ចឃាត់បានភ្លាមតែទូរស័ព្ទដែលឆក់ខាងលើមិនមានជាប់នៅខ្លួនជនសង្ស័យទេដោយមានជនឆ្លៀតឱកាសលួចបន្តបាត់ សូម្បីតែទូរស័ព្ទម៉ាកអីក៏មិនដឹងដែរទើបនាំទៅសាកសួរនៅប៉ុស្តិ៍នគរបាលភ្លាមៗព្រោះខ្លាចប្រជាពលរដ្ឋវាយជនសង្ស័យខាងលើ ។
បន្ទាប់ពីសមត្ថកិច្ចនាំទៅសាកសួរជនសង្ស័យទាំងពីរនាក់ខាងលើបានសារភាពថា មុនពេលកើតហេតុពួកគាត់បានធ្វើសកម្មភាពឆក់ទូរស័ព្ទដៃបុរសម្នាក់នៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ ហើយត្រូវបានប្រជាពលរដ្ឋនាំគ្នាដេញប្រផាត់ប្រភីង ឃាត់បាននៅភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ ។
សមត្ថកិច្ចបានបន្តទៀតថា ដោយសារករណីឆក់ខាងលើកើតហេតុនៅក្នុងទឹកដីក្នុងសង្កាត់ចោមចៅទី១ ទើបខាងនគរបាលប៉ុស្តិ៍ចោមចៅទី២ប្រគល់សមត្ថកិច្ចនគរបាលប៉ុស្តិ៍ចោមចៅទី១យកទៅសាកសួរ ។ ក្រោយពេលកើតហេតុដោយមិនឃើញជនរងគ្រោះមកដាក់ពាក្យបណ្ដឹងក៏ដោយតែដោយផ្អែកលើចម្លើយសារភាពរបស់ជនសង្ស័យថាបានឆក់ទូរស័ព្ទប្រជាពលរដ្ឋពិតប្រាកដមែន កម្លាំងនគរបាលប៉ុស្ដិ៍ចោមចៅទី១បានកសាងសំណុំរឿងបញ្ជូនទៅផ្នែកព្រហ្មទណ្ឌខណ្ឌពោធិ៍សែនជ័យចាត់ការតាមនីតិវិធី ៕
ប្រភព៖ កោះសន្តិភាព