ប៊ែលហ្សិក៖ ក្រុមជម្រើសជាតិប៊ែលហ្សិកក្នុងនាមជាម្ចាស់ផ្ទះបានបើកទ្វារកីឡដ្ឋាន Koning Boudewijnstadion ទទួលស្វាគមន៍ក្រុមភ្ញៀវជម្រើសជាតិស៊ីប ក្នុងព្រឹត្តិការណ៍ជម្រុះយូរ៉ូឆ្នាំ២០២០ កាលពីរាត្រីថ្ងៃអង្គារកន្លងទៅនេះ។

ក្រុមម្ចាស់ផ្ទះមានឱកាសសម្រុកច្រើនទៅលើក្រុមភ្ញៀវ ដោយស៊ុតបាន១៧ជើង ចំគោលដៅ១២ដង សម្រេចទីបាន៦គ្រាប់ ចំណែកឯក្រុមភ្ញៀវ ស៊ុតបាន៤ជើង ចំគោលដៅ២ដង សម្រេចទីបាន១គ្រាប់។

៦គ្រាប់របស់ក្រុមម្ចាស់ផ្ទះធ្វើបានដោយកីឡាករ៤រូបផ្សេងៗគ្នា ដោយគ្រាប់ទី១រកបានដោយកីឡាករ Chistian Benteke គ្រាប់ទី២និងទី៣ ស៊ុតបញ្ចូលទីដោយកីឡាករ Kevin De Bruyne រីឯគ្រាប់ទី៤ សម្រេចទីដោយកីឡាករ Yannick Ferreira-Carrasco ចំណែកឯគ្រាប់ទី៥ ជាការស៊ុតបញ្ចូលទីខ្លួនឯង ដោយខ្សែការពារក្រុមស៊ីបកីឡាករ Kypros Christoforou និងគ្រាប់ទី៦ បំប៉ោងសំណាញ់ទីដោយកីឡាករ Christian Benteke។ ចំណែកឯ១គ្រាប់របស់ក្រុមភ្ញៀវ ធ្វើបានតាមរយៈខ្សែការពារ Nicolas Ioannou។

កីឡាករ Chistian Benteke ពាក់អាវក្រហម 
កីឡាករ Yannick Ferreira-Carrasco ពាក់លេខ១១ 
កីឡាករ Kevin De Bruyne ពាក់លេខ៧

ដូច្នេះក្រោយបញ្ចប់ការប្រកួតក្រុមជម្រើសជាតិប៊ែលហ្សិកទទួលជ័យជម្នះទៅលើក្រុមភ្ញៀវជម្រើសជាតិស៊ីប ក្នុងលទ្ធផល៦ទល់នឹង១។ តាមរយៈជ័យជម្នះជួយអោយក្រុមប៊ែលហ្សិកមិនដែលស្គាល់ពាក្យថាចាញ់ក្នុងពូល I ដោយ១០ប្រកួតកន្លងទៅនេះឈ្នះទាំង១០៕

បើចង់ឃើញការស៊ុតបញ្ចូលទីអស្ចារ្យយ៉ាងណានោះ​ សូមទស្សនាវីដេអូខាងក្រោម៖

ការប្រកួត Highlights រវាងក្រុមទាំងពីរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]