ច្បាស់ការ! កីឡាករ Man UTD ម្នាក់នេះនឹងចែកផ្លូវជាមួយក្លិប នៅរដូវក្ដៅនេះហើយ

កីឡា៖ យោងតាមការចុះផ្សាយរបស់ អ្នកកាសែត Fabrizio Romano បានបញ្ជាក់ឲ្យដឹងថា កីឡាករ Rasmus Hojlund នឹងចែកផ្លូវគ្នាជាមួយក្លិបបិសាចក្រហម Manchester United នៅរដូវក្ដៅនេះ។

កាសែត The Athletic ក៏បានចុះផ្សាយពីព័ត៌មាននេះដែរ ខណៈដែលកីឡាករសញ្ជាតិដាណឺម៉ាករូបនេះ នឹងត្រូវគេរំពឹងទុកថានឹងមិនបន្តស្នាក់នៅទីនេះទេ។

Rasmus Hojlund បានផ្ទេរពីក្លិប Atalanta មកកាន់ទឹកដី Old Trafford នាឆ្នាំ២០២៣ ដោយគិតមកទល់ពេលនេះ Hojlund បានចូលលេងចំនួន ៤៣ ប្រកួតនៅរដូវកាលនេះ និងបានស៊ុតបញ្ចូលទីចំនួន ១១គ្រាប់ឲ្យ Manchester United ផងដែរ។

ខណៈពេលនេះ មិនទាន់មានប្រភពណាបញ្ជាក់ថារូបគេនឹងផ្លាស់ទៅលេង ឬបើកការចរចាជាមួយក្លិបណាផ្សេងនោះឡើយ៕