បរទេស៖ អ្នកគាំទ្រមានការព្រួយបារម្ភ ក្រោយពីបានដឹងថាស្ថានភាពសុខភាព របស់Ariana Grande ហាក់ដូចជាមានភាពធ្ងន់ធ្ងរ រហូតនាំឲ្យឈានដល់ ការលុបចោលការ ប្រគំតន្ត្រីរបស់នាងនៅLexington នៃរដ្ឋKentucky ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ Ariana Grande ក៏បានបង្ហោះសារសុំទោសដល់ អ្នកគាំទ្ររបស់នាងនៅក្នុងInstagram ថា៖
“ខ្ញុំពិតជាមិនសប្បាយចិត្ត និងសុំទោសខ្លាំងណាស់។ ខ្ញុំគឺពិតជា ពិបាកចិត្តខ្លាំងណាស់ ក៏ប៉ុន្តែពិតប្រាកដណាស់ អ្នកនឹងទទួលបាននៅ ការតបស្នងត្រឡប់ទៅវិញ ជាមិនខាននោះទេ។”
យ៉ាងណាមិញ អ្នកគាំទ្រ នៅតែព្រួយបារម្ភខ្លាំងពី តារាចម្រៀងស្រីរូបនេះពីព្រោះ ក្នុងវីដេអូដែលAriana Grande បានបង្ហោះនោះគេឃើញ នាងមានពាក់នៅប្រដាប់ជំនួយដល់ ការដកដង្ហើមរបស់នាងទៀតផង។
ទោះយ៉ាងកាលពីពេលថ្មីៗនេះ គេក៏ឃើញខាងទស្សនាវដ្តីPeople ក៏ធ្លាប់បានចុះផ្សាយពីស្ថានភាពសុខភាព របស់តារាស្រីរូបនេះផងដែរថា តារាស្រីវ័យ២៦ឆ្នាំរូបនេះ មានស្ថានភាពសុខភាព មិនជាសូវល្អប៉ុន្មាននោះទេ ក្នុងរយៈពេល៣សបា្តហ៍ កន្លងមកនេះ។
ជាក់ស្តែងរហូតមកដល់ពេលនេះ នៅមិនទាន់មានប្រភពណាមួយ បញ្ជាក់នៅឡើយនោះទេថា ការប្រគុំតន្ត្រីរបស់Ariana Grande នៅរដ្ឋAtlanta នឹងត្រូវរៀបចំតាមធម្មតា ឬយ៉ាងណានៅឡើយនោះទេ។ ក៏ប៉ុន្តែជាមួយគ្នានោះ គេក៏ឃើញតារាចម្រៀងBarbra Streiand ក៏បានចូលផ្តល់ជាដំបូន្មានមួយចំនួន ដល់Ariana Grande ផងដែរដោយ ឲ្យនាងព្យាយាមញុំាវីតាមីនC ដោយផឹកជាមួយនឹងទឹកឃ្មុំ ហើយញុំាស៊ុបមាន់ជាជំនួយបន្ថែមទៀត ដើម្បីឲ្យស្ថានភាពរបស់នាង ឆាប់បានធូរស្រាលជាងនេះផងដែរ៕
Bong I.T