ភ្នំពេញ៖ ជារឿងដ៏គួរឲ្យភ្ញាក់ផ្អើលទាំងព្រឹកតែម្តង ក្រោយមានការចាប់អារម្មណ៍ពីហ្វេនផេកហ្វេសប៊ុករបស់កំពូលតារាចម្រៀងប្រចាំផលិតកម្មរស្មីហង្សមាស អ្នកនាង សុគន្ធ និសា បានបង្ហោះរូបមួយសន្លឹក បង្ហាញពីការបង្ហោះរបស់លោក ឆន សុវណ្ណរាជ និងអ្នកនាង សុគន្ធ និសា ថាអ្នកទាំងពីរកំពុងតែមានការងារថ្មីដែលត្រូវធ្វើ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ផ្អែកតាមការបង្ហោះរបស់អ្នកនាង សុគន្ធ និសា បានសរសេរថា៖
“តៀមខ្លួនទទួលការងារថ្មី #guess_what?។
ចំណែកឯលោក ឆន សុវណ្ណរាជ បានបង្ហោះសារក្តៅៗកាលពីព្រឹកមិញថា៖
“អរុណសួស្តីបាទ ថ្ងៃច័ន្ទដើមទ្រព្យ ថ្ងៃនេះជាថ្ងៃចាប់ផ្តើមបេសកកម្មថ្មីមួយសម្រាប់ខ្ញុំ រង់ចាំទាំងអស់គ្នា ថាវាជាអ្វី? នឹងមានសម្រាប់បងប្អូនទាំងអស់គ្នាក្នុងពេលឆាប់ៗខាងមុខនេះ”។
យ៉ាងណាមិញ ក្រោយពីឃើញសារទាំងនេះហើយ អ្នកគាំទ្របាននាំគ្នាសន្និដ្ឋានថា អ្នកទាំងពីរអាចនឹងកំពុងតែចាប់ដៃគ្រងដំណែងតួឯកក្នុងរឿងភាគថ្មីជាមិនខាននោះទេ។
ម៉្យាងវិញទៀត បើតាមការសង្កេតមើលក្នុង Comment ឆ្លើយឆ្លងរវាងអ្នកនាង សុគន្ធ និសា និងលោក កៅ សីហា អ្នកដឹងនាំរឿង ដោយរូបលោកបានសួរទៅនាងថាជារឿង ខោល មែនទេ? តែនាងក៏តបថាមិនមែនទេគឺមួយថ្មីទៀត។ ដូច្នេះហើយ ទាំងនេះក៏អាចបញ្ជាក់ថា អ្នកនាង សុគន្ធ និសា និងលោក ឆន សុវណ្ណរាជ ប្រាកដជាកំពុងតែថតរឿងថ្មី មិនខុសនោះឡើយ។
ទោះជាយ៉ាងណាក្តី ទាំងនេះពិតជាធ្វើឲ្យអ្នកគាំទ្ររំភើបចិត្តមែនទែន ព្រោះអ្នកគាំទ្រពិតជាចង់ឃើញការសម្តែងរវាងអ្នកទាំងពីរជាតួឯកម្តងទៀត បន្ទាប់ពីរឿងភាគដ៏ល្បី “សិសិររដូវក្នុងបេះដូង” ខ្លាំងណាស់។ ហើយអ្នកគាំទ្រក៏សង្ឃឹមថា ការសន្និដ្នានរបស់ពួកគេ នឹងក្លាយជាការពិតផងដែរ៕
តើប្រិយមិត្តយល់យ៉ាងណាដែរ?
Bong I.T