អាមេរិក៖ ផ្ទុះការភ្ញាក់ផ្អើល ដោយកាលពីម្សិលមិញនេះ តារាចម្រៀងស្រីល្បីឈ្មោះ Selena Gomez បានធ្វើការបង្ហោះនូវរូបថតផ្អែមល្អែមជាច្រើនសន្លឹក នៅលើគណនីអ៊ីនស្តារក្រាមផ្ទាល់ខ្លួនរបស់នាង ជាមួយនឹងនារីម្នាក់ ដែលគេស្គាល់ថាជាអ្នកនិពន្ធ និងជាតារាចម្រៀងស្រីអាមេរិក Julia Michaels។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងថា កាលពីថ្មីៗនេះ គេបានប្រទះឃើញនូវវត្តមាន តារាចម្រៀងស្រី Selena Gomez បានបង្ហាញខ្លួនយ៉ាង Surprise នៅក្នុងកម្មវិធីប្រគំតន្រ្តីរបស់ខ្លួនរបស់ តារាចម្រៀងស្រីវ័យ២៦ឆ្នាំ Julia Michaels នៅឯទីក្រុង Los Angeles ហើយអ្នកទាំងពីរថែមទាំងបានឡើងច្រៀងរួមគ្នាថែមទៀតផង ដែលធ្វើឲ្យប្រិយមិត្តទស្សនិកជនដែលទស្សនានៅទីនោះ មានការភ្ញាក់ផ្អើលនិងរំភើបចិត្តជាខ្លាំង។
មិនតែប៉ុណ្ណោះ បន្ទាប់ពីបញ្ចប់ការសម្តែង តារាស្រីទាំងពីរដួងនេះថែមទាំងបាន ថើបមាត់គ្នានៅលើឆាកនៅចំពោះមុខអ្នកគាំទ្រ ដែលកាន់តែធ្វើឲ្យគ្រប់គ្នាស្រឡាំងកាំង កាន់តែខ្លាំងជាងមុនទៅទៀត។ ហើយអ្វីដែលលើសពីនេះទៅទៀតនោះ ក្រោយពីការប្រគំតន្ត្រីត្រូវបានបញ្ចប់ គេស្រាប់តែចាប់អារម្មណ៍ឃើញថា Selena បានធ្វើការបង្ហោះនូវរូបថត ក៏ដូចជាវីដេអូក្រៅឆាករវាងនាង និង Julia ដែលអ្នកទាំងពីរបានធ្វើការសាក់នៅលើដៃសញ្ញាដូចគ្នា ក៏ដូចជាបង្ហោះរូបភាពស្និទ្ធស្នាលថើបគ្នា និងថែមទាំងបានប្រើពាក្យពេចន៍ផ្អែមល្ហែមសុទ្ធតែ « My love, my heart and my soul » ថែមទៀតផងដែរ។
តួយ៉ាង តាមរយៈកាយវិការក៏ដូចជាការបង្ហោះរបស់ តារាចម្រៀងស្រីទាំងពីរដួង បានធ្វើឲ្យប្រិយមិត្តអ្នកគាំទ្រមិនគិតមិនបាន ពីទំនាក់ទំនងរបស់អ្នកទាំងពីរ។ មិនថាយ៉ាងណា យើងមានតែរងចាំការបញ្ជាក់ដោយផ្ទាល់ពី Selena និង Julia ថាតើពួកគេមានទំនាក់ទំនងត្រឹមតែជា មិត្តភាពជិតស្និទ្ធធម្មតា ឬក៏មានអ្វីជ្រាលជ្រៅលើសពីនេះផងដែរ៕