ចុមភ្ញាក់ព្រើត! នារីម្នាក់នេះមានមុខមាត់ដូច Jennie សឹងតែ៩៩ភាគរយ មើលមួយភ្លែតដូចមនុស្សតែមួយ!

កូរ៉េខាងត្បូង៖ កាលពីថ្មីៗនេះ នៅលើបណ្តាញទំនាក់ទំនងសង្គមហ្វេសប៊ុក កំពុងមានការភ្ញាក់ផ្អើលជាខ្លាំង ជាមួយនឹងរូបថតជាច្រើនសន្លឹករបស់នារីម្នាក់ ដែលនាងមានមុខមាត់ស្រដៀងទៅនឹងតារាចម្រៀងស្រីលំដាប់ជួរមុខល្បីឈ្មោះ Jennie សមាជិកក្រុម BLACKPINK ជាខ្លាំង សឹងតែដូចជាបងប្អូនភ្លោះ។

គួរឲ្យដឹងថា នារីស្រស់ស្អាតរូបនេះ ត្រូវបានគេស្គាល់ឈ្មោះថា Lee Ha Kyeong ដែលនាងក៏មានប្រជាប្រិយភាពគួរសមផងដែរ នៅលើគណនីអ៊ីនស្តាក្រាម ដោយមានអ្នកចុច Follow តាមដាន​នាងរហូតដល់ទៅជាង ៧ម៉ឺននាក់ឯណោះ។

ដោយឡែក អ្វីដែលធ្វើឲ្យមហាជនមានការចាប់អារម្មណ៍ខ្លាំងបំផុតនោះ គឺទម្រង់មុខក៏ដូចជា ស្ទាយ៍តុបតែងខ្លួនរបស់នាង គឺមានលក្ខណៈស្រដៀងទៅនឹងតារាចម្រៀងស្រីកំពុងល្បីឈ្មោះ Jennie ខ្លាំងមែនទែន រហូតត្រូវបានបណ្តាអ្នកនិយមលេងអ៊ីនធឺណែតជាច្រើន អត់ទ្រាំមិនបាននឹង បង្ហោះចែកចាយរូបថតរបស់នាងពាសពេញអ៊ីនធើណែត។

ជាការពិតណាស់ តាមរយៈរូបថតជាច្រើនសន្លឹករបស់ Lee Ha Kyeong គេសង្កេតឃើញថា ភាគច្រើននាងនិយមចូលចិត្ត ផាត់មុខ លេងស្ទាយ៍សម្លៀកបំពាក់ ក៏ដូចជាចូលចិត្តលេងស្ទាយ៍ថតរូបថត ដូចជា Jennie ដូច្នោះដែរ ហើយរួមផ្សំទាំងទម្រង់មុខ និងភ្នែករបស់នាង មានភាពទាក់ទាញប្រហាក់ប្រហែលទៅនឹង Jennie បន្ថែមទៀតនោះ ទើបធ្វើឲ្យមហាជន ឃើញហើយមិនច្រឡំគ្នាមិនបាន ក៏ព្រោះតែមានភាពស្រដៀងគ្នាច្រើនខ្លាំងពេក៕

ចង់ដឹងថា ស្រដៀងគ្នាកម្រិតណានោះ តាមដានរូបភាពខាងក្រោម៖