អង់គ្លេស៖ នៅក្នុងការប្រកួតជុំទីបួនវគ្គសន្សំពិន្ទុក្នុងពូល K ពានរង្វាន់ Europa League កាលពីយប់មិញក្លិបអង់គ្លេស Wolverhampton បានប្រកួតឈ្នះក្រុមភ្ញៀវ Slovan Bratislava ដោយលទ្ធផល ១ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញនៅក្នុងការប្រកួតនោះនាទី៧៧ មានការផ្អាកការប្រកួតដល់ទៅ១១នាទី បន្ទាប់ពីខ្សែប្រយុទ្ធរបស់ Wolves កីឡាករ Raul Jimenez បានលោតទាត់បាល់កាប់ចាន ប៉ុន្តែចៃដន្យមិនចំបាល់បែរទៅជាចំក្បាលរបស់កីឡាករខ្សែការពារ Kenan Bajric។
តាមពិតទៅខ្សែប្រយុទ្ធម៉ិចស៊ិក Raul Jimenez គ្មានចេតនាក្នុងការបង្ករកំហុសនេះទេ ដោយគេចង់លោតកាប់ចានបាល់ ប៉ុន្តែដោយសារតែ Bajric លោតមកតែតបាល់ក៏បណ្ដាលឲ្យត្រូវក្បាលពេញទំហឹងតែម្ដង។
ក្រោយក្រុមការងារគ្រូពេទ្យពិនិត្យនៅលើទីលានអស់រយៈពេល ១១នាទី Bajric ក៏ត្រូវបានសែងចេញទីលាននិងផ្លាស់ប្ដូរចេញ ជំនួសមកវិញដោយកីឡាករ Marin Ljbicic នៅនាទី៨៩។
ដោយសារតែមានការផ្អាកការប្រកួត១១នាទី លោកអាជ្ញាកណ្ដាលបានសម្រេចបន្ថែមម៉ោងក្នុងវគ្គទីពីរដល់ទៅ១២នាទី ហើយគ្រាប់បាល់តែមួយគ្រាប់ដែលកើតឡើងនៅក្នុងការប្រកួតនោះ ក៏រកបានក្នុងម៉ោងបន្ថែមនោះដែរ ពោលគឺធ្វើបានសម្រេចដោយការតែតរបស់ Raul Jimenez នៅនាទី៩០+២។
ដើម្បីបង្ហាញជាការសុំទោសដល់ Kenen Bajric ខ្សែប្រយុទ្ធជួរមុខរបស់ Wolves កីឡាករ Raul Jimenez មិនបានអបអរគ្រាប់បាល់របស់ខ្លួននោះទេ និងបានបង្ហាញកាយវិការសំពះថែមទៀត៕
ចង់ឃើញថា តើហេតុការណ៍ដែលបានកើតឡើងក្នុងការប្រកួតនោះយ៉ាងណា ទៅទស្សនាវីដេអូខាងក្រោមទាំងអស់គ្នា៖