រតនៈ ពិសី ធ្វើខួបកំណើត តូចតាច ព្រោះឆុងជាមួយ នឹងឪពុក

ភ្នំពេញ៖ នៅល្ងាចថៃ្ងទី២២ ខែមីនា ឆ្នាំ២០១២ នេះ តារាចម្រៀងកំពុង បោះជំហានទៅរកភាពល្បី  រនតៈ ពិសី បានប្រារព្ធពិធី ខួបមកំណើតរបស់ខ្លួន គំរប់២០ឆ្នាំនៅឯមជ្ឈមណ្ឌ លកម្សាន្តអេហ្ស៊ីប (ក្លឹបអេហ្ស៊ីប) ដោយបាន ប្រាប់មិត្តភក្តិតិចតួច បំផុតចូលរួមក្នុងពិធីនេះ។ ខួបកំណើតនេះត្រូវបានគេដឹងថា នាងមិនហ៊ានធ្វើឲ្យធំដុំ ហ៊ឹកហ៊ាក់នោះទេ ព្រោះឪពុករបស់នាងទើបតែទទួលមរណភាពថ្មីៗ មិនទាន់ទាំងបានធ្វើបុណ្យគំរប់១០០ថៃ្ង រួចរាល់ទៀតផង។

ថ្លែងប្រាប់មជ្ឈមណ្ឌលព័ត៌មានដើមអម្ពិលតាមទូរស័ព្ទ រតនៈ ពិសី និយាយថា " ខួបកំណើតខ្ញុំហ្នឹងអត់ ធ្វើធំដុំទេបង.... ហៅមិត្តភក្តិតែ៤-៥នាក់ប៉ុណ្ណោះបង... ដោយសារឆុងជាមួយប៉ា ប៉ាគាត់ទើបស្លាប់ហើយថ្មីៗ" ។ តារាចម្រៀងសម្តីស្រទន់ រាងតូចច្រឡឹងរូបនេះនិយាយទៀតថា" អាយុខ្ញុំឆ្នាំនេះគឺ២០គត់ ខ្ញុំអត់ចង់គត់ឆ្នាំ ទើបនៅលើនំខួបកំណើតរបស់ខ្ញុំ ខ្ញុំដាក់២១ឆ្នាំ ។ ប្រហែលជាខែក្រោយទើបខ្ញុំធ្វើឲ្យធំជាងនេះ ក្រោយពីបុណ្យ ១០០ថ្ងៃប៉ាខ្ញុំរួចរាល់"។

ទោះបីជាយ៉ាងណារតនៈ ពិសី ក្នុងការប្រារព្ធខួបកំណើតនេះ គឺពុំមានការឧបត្ថម្ភពីសំណាក់បុរសអ្នកមាន ឬគូរស្នេហ៍នាងនោះឡើយ ពោលគឺរាល់ការចំណាយក្នុងពិធីនេះគឺជាថវិការបស់នាងផ្ទាល់។ រតនៈ ពិសីនិយាយ " អត់ទេបង... អត់មានអ្នកណាឧបត្ថម្ភ ឬរៀបចំឲ្យទេ លុយខ្ញុំតើ... កម្មវិធីតូចមួយខ្ញុំមិនចង់ធ្វើធំដុំទេ "។

កន្លងមកសម្រាប់តារាខ្មែរមួយចំនួន ខ្លះមានលទ្ធភាពរៀបចំពិធីខួបកំណើតរហូតដល់សណ្ឋាគារលំដាប់ផ្កាយ៥ ចំណាយលុយអស់រាប់ម៉ឺនដុល្លារ ដោយគេមិនដឹងថា គ្រាន់តែជាអ្នកសិល្បៈធម្មតាប៉ុណ្ណោះ ហេតុអ្វីមានលុយ ច្រើនសន្ធឹកសន្ធាប់ចំណាយលើពិធីខួបកំណើតខ្លួននោះឡើយ។ បើចំណូលបានមកពីសិល្បៈ គ្រាន់តែទិញម្សៅ លាបមុខនិងសម្លៀកបំពាក់មិនទាំងគ្រាន់ផង តើពួកគេបានលុយមកពីណា? ឬមានអ្នកនៅពីក្រោយ ជួយឧបត្ថម្ភ? តែពួកគេច្រើនបដិសេធ៕

ផ្តល់សិទ្ធដោយ ដើមអម្ពិល

• រតនៈ ពិសី