ម៉ាឡេស៊ី៖ ថ្មីៗនេះ បុរសម្នាក់ខឹងសម្បារយ៉ាងខ្លាំង ស្ទុះហក់ធាក់សន្ដិសុខមួយជើង ក្រោយពីអស់សំបុត្រចូលមើលការប្រកួត។

ប្រភពបានឲ្យដឹងថា បុរសរូបនោះ (មិនបញ្ចេញអត្តសញ្ញាណ) ជាជនជាតិឥណ្ឌូនេស៊ី បានធ្វើដំណើរទៅទស្សនាការប្រកួតប្រណាំងម៉ូតូនៅពហុកីឡដ្ឋាន Sepang International Circuit ក្នុងប្រទេសម៉ាឡេស៊ី។ ដោយចំនួនសំបុត្រមានកំណត់និងបានលក់អស់ ធ្វើឲ្យបុរសនោះខឹងសម្បារយ៉ាងខ្លាំង។

យោងតាមវីដេអូដែលត្រូវបានគេថត និងយកទៅបង្ហោះចែកចាយលើបណ្ដាញសង្គម បង្ហាញឲ្យឃើញថា បុរសនោះបានស្ទុះហក់ទៅធាក់សន្ដិសុខមួយជើង បណ្ដាលឲ្យខ្លួនគាត់ដួលទៅលើដី។ ភ្លាមៗនោះ សន្ដិសុខនិងអ្នកជុំវិញនោះបាននាំគ្នាព្រួតវាយទៅលើបុរសនោះជាច្រើនដៃផងដែរ។

យ៉ាងណាមិញ ក្រោយពីកើតហេតុខាងលើរួចមក សន្ដិសុខម្នាក់ត្រូវរបួសត្រង់បបូរមាត់ ចំណែកបុរសនោះត្រូវបានប៉ូលិសចាប់ឃុំខ្លួនបណ្ដោះអាសន្ន ដើម្បីដោះស្រាយបន្ដ៕

សូមទស្សនារូបភាពនិងវីដេអូខាងក្រោម៖

ទិដ្ឋភាពក្នុងថ្ងៃកើតហេតុ
ទិដ្ឋភាពក្នុងថ្ងៃកើតហេតុ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]