កាន់តែធំបន្តិច! កូនសំណព្វ នាយចយ កាន់តែមានមុខមាត់ប្លែកកាត់រកម្តាយ គួរឲ្យស្រលាញ់ខ្លាំងឡើង

ភ្នំពេញ៖ ក្រោយរៀបការសាងសុភមង្គលរួច ឃើញថាតារាកំប្លែងប្រុសដ៏មានប្រជាប្រិយភាព នាយចយ កាន់តែទទួលបាននូវការស្រលាញ់ និងមើលថែ ពីភរិយាក៏ដូចជាក្រុមគ្រួសារយ៉ាងខ្លាំង ស្របពេលដែលពេលនេះ លោកទទួលបានចំណងដៃកូនដ៏គួរឲ្យស្រលាញ់ម្នាក់។

យ៉ាងណាមិញ កូនដំបូងក្រោមដំណក់ឈាម តារាប្រុសរូបនេះ និងភរិយា ក៏មានមនុស្សមួយចំនួននាំគ្នាគិតនៅមុនពេលមិនទាន់កើតថា មុខប្រាកដជាកាត់ទៅ នាយចយ មិនស្រស់ស្អាតមិនខាននោះទេ។ តែផ្ទុយស្រឡះពីការគិតរបស់មនុស្សមួយចំនួននោះ ពេលនេះកូនលោកកើតមកដោយសុវត្ថិភាព និងមានមុខមាត់យ៉ាងស្រស់ស្អាតគួរឲ្យក្នាញ់តែម្តង។

មកទល់នឹងពេលនេះរយៈពេលប៉ុន្មានខែមកហើយ កូនរបស់លោកកាន់តែធំឡើង រីឯមុខមាត់ក៏កាន់តែគួរឲ្យស្រលាញ់ខ្លាំងឡើង ធ្វើឲ្យអ្នកគាំទ្រ ក៏ដូចជាក្រុមគ្រួសារពិតជាស្រលាញ់គ្រប់គ្នាតែម្តង។

ទន្ទឹមនឹងនេះដែរ បណ្តាអ្នកគាំទ្រជាច្រើនពិតជារំភើប និងរីករាយជំនួសលោក ដែលទទួលបាននូវកូន ដែលមានមុខមាត់យ៉ាងគួរឲ្យក្នាញ់បែបនេះ ស្របពេលដែលមានមនុស្សមួយចំនួន ធ្លាប់និយាយមិនសមរម្យដល់លោកនិងគ្រួសារ៕

សូមទស្សនារូបភាពខាងក្រោមនេះ៖