កម្មវិធី «Launching Event» ទូរស័ព្ទ OPPO Reno2 Series នៅប្រទេសកម្ពុជា!

ភ្នំពេញ៖ ក្រោយការពញ្ញាក់អារម្មណ៍ដល់អតិថិជន និងអ្នកគាំទ្ររបស់ខ្លួនជាច្រើនសប្តាហ៍រួចមក ថ្ងៃនេះក្រុមហ៊ុនទូរស័ព្ទដៃ OPPO បានសម្រេចចិត្តដាក់សម្ពោធជាផ្លូវការនូវផលិតផលដ៏ថ្មីសន្លាងរបស់ខ្លួនជាសាធារណៈ និងប្រកាសទទួលកុម្ម៉ង់ទុកមុនជាផ្លូវការនូវកំពូលស្មាតហ្វូនស៊េរីថ្មីទាំងពីរម៉ូឌែលព្រមៗគ្នាតែម្តងកាលពីរាត្រីថ្ងៃទី 17 តុលា 2019 នៅសណ្ឋាគារ Garden City ក្បែរវិមានឈ្នះៗ។

កម្មវិធីសម្ពោធផលិតផលថ្មី OPPO Reno 2 series របស់ក្រុមហ៊ុនទូរស័ព្ទដៃចល័តមួយនេះ គឺមានសភាពអ៊ូអរ អធិកអធម ជាងលើកណាៗទាំងអស់ ដោយមាន​ការអញ្ជើញចូលរួមពីសំណាក់ ថ្នាក់ដឹកនាំ ក្រុមការងារ បុគ្គលិកគ្រប់ជាន់ថ្នាក់ តារាកិតិ្តយស ឯកអគ្គរាជទូតសុឆន្ទៈ (Brand Ambassadors) ក្រុមម្ចាស់ហាង មិត្តអ្នកសារព័ត៌មានជាតិ និងអន្តរជាតិ ព្រមទាំងក្រុមអ្នកជំនាញថតរូប ដែលជាដៃគូរសហការដ៏ជិតស្និទ្ធ និងយូរអង្វែងរបស់ OPPO គ្រប់ខេត្តក្រុង សរុបជាង 1,000 នាក់ផងដែរ។

អ្វីដែលធ្វើឲ្យអ្នកចូលរួមផ្ទាល់ និងអ្នកទស្សនាការផ្សាយផ្ទាល់នៅលើទំព័រហ្វេសបុកផ្លូវការរបស់ OPPO កាន់តែភ្ញាក់ផ្អើល និងនឹកស្មានមិនដល់នោះគឺ OPPO បានឆ្លុះបញ្ចាំងនូវភាពជោគជ័យ និងការវិវត្តន៍ផ្នែកបច្ចេកវិទ្យាថ្មីៗ ទំនើបៗរបស់ខ្លួន ប្រកបដោយគុណភាពខ្ពស់នៃស្មាតហ្វូនរបស់ OPPO គ្រប់ស៊េរី ជាពិសេសស្មាតហ្វូនជំនាន់ថ្មីទាំងពីរម៉ូឌែល ដែលមាន OPPO Reno2 និង Reno2 F។

តាមការរយៈការធ្វើបទបង្ហាញនៅក្នុងកម្មវិធីនោះបានឲ្យដឹងថាទូរស័ព្ទ OPPO Reno2 មានតម្លៃត្រឹមតែ $599 ជាស្មាតហ្វូនថ្នាក់ខ្ពស់ តំណាងឲ្យការតស៊ូ និងភាពច្នៃប្រឌិតខ្ពស់ ដែលកើតចេញពីកំណែរទម្រង់នៃ Reno ស៊េរីមុន បំពាក់មកនូវការរចនាបែប High Show និងទាន់សម័យកាលជាងមុន ដែលបានភ្ជាប់ជាមួយនឹងផ្ទៃម៉ាស៊ីនរាបស្មើ មានអេក្រង់ AMOLED កញ្ចក់ E3 លាតពេញទំហំ 6.5” ការពារចំណាំងពន្លឺ បំពាក់បច្ចេកវិទ្យាការពារភ្នែក ដែលទទួលស្គាល់កម្រិតសុវត្ថិភាពពី TÜV Rhineland ដែលធ្វើឲ្យអ្នកប្រើប្រាស់អស់កង្វល់ជាមួយនឹងបញ្ហាភ្នែក ទោះស្ថិតក្នុងលក្ខខណ្ឌពន្លឺតិចក្តី។

កាមេរ៉ាមុខបង្កប់ខ្លួនបែបបញ្ឆិត ទំហំ 16MP ភ្ជាប់មុខងារ Beauty Mode ថតរូបស្អាតបែបធម្មជាតិ ធន់ក្នុងការប្រើប្រាស់ជាមួយនឹងបច្ចេកវិទ្យាកាមេរ៉ាលិបចេញចូលស្វ័យប្រវត្តិ នៅពេលបាត់បង់លំនឹងម្តងៗ។ ផ្នែកខាងក្រោយត្រូវបានរចនាដោយ​កញ្ចក់ស្វិត CGG5 មានភាពស៊ីមេទ្រីរវាង Logo កាមេរ៉ា និង O-Dot ការពារភាពសឹកឡេនកាមេរ៉ាដោយសេរ៉ាមិច ងាយស្រួលចាប់កាន់ប្រើ។      

OPPO Reno2 មានកាមេរ៉ាក្រោយ 4 គ្រាប់ កាមេរ៉ាមេ 48MP ភ្ជាប់បច្ចេកវិទ្យាទប់លំនឹងមួយគូ (OIS + EIS) អាចថតវីដេអូ រំញ័រស្ទើរស្មើ “០” ថតរូបច្បាស់ល្អស្អាត នៅពេលយប់ ឬទីងងឹត ជាមួយនឹងមុខងារ Ultra Dark Mode ដែលមានជំនួយការពិសេសគឺ NPU ជំនួយលើបច្ចេកវិទ្យា AI ខ្លាំងជាង SD 712 ពីរដង។ កាមេរ៉ាទី2 ទំហំ 8MP ថតរូបជិតបែបម៉ាក្រូ និងថតរូបបែបទូលាយបានច្បាស់ល្អមិនចាំបាច់ដើរថយក្រោយ។

ចំណែកកាមេរ៉ាទី៣ ទំហំ 13MP ថតរូបឆ្ងាយបានច្បាស់ស្អាតល្អជាមួយនឹងកម្រិត 5x Hybrid Zoom | 20x Digital Zoom និងកាមេរ៉ាទី4 ថតរូបបែបសខ្មៅទំហំ 2MP។ Reno 2 មានមុខងារថតវីដេអូព្រាលនៅផ្ទៃខាងក្រោយ (Video Bokeh) ទាំងកាមេរ៉ាមុខក្រោយជាមួយនឹងកម្មវិធី Video Edit ដំបូងគេបង្អស់មកស្រាប់មួយសេតតែម្តង។ ស្មាតហ្វូនជំនាន់ថ្មីនេះ ប្រតិបត្តិការដោយ ColorOS 6.1 ប្រើប្រាស់បន្ទះឈីប Snapdragon 730G+Hyper Boost 2.0 ធ្វើឲ្យដំណើរកាន់តែលឿនជាងមុនសម្រាប់អ្នកចូលចិត្ត Download ឬលេងហ្គេម Online (មាន Dual WiFi) មាន RAM 8GB និងអង្គផ្ទុកទិន្នន័យ 256GB អាចផ្ទុករូបភាពបានជាង 80,000 ចម្រៀងជាង 50,000 បទ និង ភាពយន្តជាង 400 ភ្ជាប់មកជាមួយនឹងបច្ចេកវិទ្យាសម្លេងពិរោះរណ្តំ Dolby Atmos មានថាមពលថ្មទំហំ 4000mAh ដែលអាចកំដរលោកអ្នកលេងហ្គេមដាច់យប់ មិនបារម្ភខ្លាចអស់ថ្ម និងអាចទស្សនាខ្សែភាពយន្តម៉ាសប្បាយដៃ មិនភ័យរឿងបញ្ហាអស់ថ្មជាមួយនឹងបច្ចេកវិទ្យាសាកថ្មលឿន VOOC 3.0 (Type C)។  

ចំណែកឯ OPPO Reno2 F តម្លៃត្រឹមតែ $369 មានការរចនាកាលីប និងបំពាក់កាមេរ៉ាក្រោយ4 ផ្ទៃម៉ាស៊ីនរាបស្មើមិនងាយសឹកឡេន និងថាមពលថ្មស្រដៀងគ្នានឹងស្មាតហ្វូន OPPO Reno 2 ដែរ។ កាមេរ៉ាមេរបស់វាទំហំ 48MP ភ្ជាប់ជាមួយនឹងបច្ចេកវិទ្យា Ultra Night Mode 2.0 អាចថតរូបច្បាស់គ្រប់ពេលវេលា។ កាមេរ៉ាទី2 មានទំហំ 8MP ថតបានមុំធំទូលាយ (Wide-angle) ដល់1190 ថតរូបមនុស្សទូទៅឃើញខ្ពស់ស្លីមស្អាត ថតរូបជួបជុំគ្រួសារ ឬការជួបជុំនៅតុអាហារ ដោយពុំចាំបាច់ឈឺក្បាលដើរថយក្រោយ ជាពិសេសបំពាក់នូវបច្ចេកវិទ្យា10x Digital Zoom ថែមទៀតផង។

មិនតែប៉ុណ្ណោះកាមេរ៉ាទី3  និងទី4 មានទំហំ 2MP ដូចគ្នា អាចថតរូបបែបសខ្មៅ និងបែបភាពយន្ត ស្អាតគ្រប់ប្លង់។ ចំណែកឯកាមេរ៉ាមុខវិញបង្កប់ខ្លួនចំកណ្តាលមានទំហំ 16MP ភ្ជាប់មកជាមួយនូវបច្ចេកវិទ្យា Beauty Mode និងភ្លើងជំនួយ Panoramic Light Effect ថតរូប Selfie ស្អាតកប់សារី។​ ជាពិសេសវាបានបំពាក់មកជាមួយនូវ Sensor ស្កេនក្រយ៉ៅដៃលើអេក្រង់ជំនាន់ទី 3.0 ​កាន់តែសុវត្ថិភាពខ្ពស់ជាងមុនជាមួយនឹង Hardware និងកម្មវិធី AI ដែលអាចវិភាគ និងសម្គាល់ស្នាមម្រាមដៃ កាន់តែលឿន និងដោះសោរក្នុងរយៈពេលត្រឹមតែ 0.3 វិនាទីប៉ុណ្ណោះ។

ស្មាតហ្វូនកូនកាត់រូបនេះប្រតិបត្តិការដោយ ColorOS6.1 (Android 9.0) CPU MTK P70+Hyper Boost 2.0 និងមានកម្លាំងថាមពលថ្មទំហំធំរហូតដល់ទៅ 4000mAh អាចមើលវីដេអូបាន 13 ម៉ោង ស្តាប់តន្ត្រីបាន 31 ម៉ោង និងលេងហ្គេមបាន 8 ម៉ោង គ្មានការរអាក់រអួលដោយសារបច្ចេកវិទ្យា Game Boost 2.0។ OPPO Reno 2F មាន RAM ទំហំធំ 8GB អង្គផ្ទុកទិន្នន័យកាន់តែធំ ROM 128GB អាចផ្ទុកភាពយន្តបានចំនួន 210 (600MB/រឿង) និង 42000 រូបភាព (3MB/សន្លឹក)។

កម្មវិធីពិសេសនេះត្រូវបានបញ្ចប់ទៅយ៉ាងរលូនក្រោមកម្រងរូបភាពដោយសាមគ្គីភាពនៃគ្រួសារ OPPO និងការសម្តែងសិល្បៈពីសំណាក់តារាប្រុសស្រីល្បីៗប្រចាំប្រទេសកម្ពុជា និងឯកអគ្គរាជទូត ការបង្ហាញម៉ូតទូរស័ព្ទស៊េរីថ្មី OPPO Reno 2 series ការចាប់រង្វាន់ ការថតរូបទុកអនុស្សាវរីយ៍ផងដែរ៕