កូរ៉េខាងត្បូង៖ តារាស្រីទាំង២ដួងនេះ បានបង្ហាញខ្លួនដំបូងតាំងពីអំឡុងឆ្នាំ៩០ ហើយក្នុងពេលបច្ចុប្បន្ននេះ ពួកគេទាំងពីរក៏នៅតែរក្សាតំណែងជា តារាស្រីដែលទទួលបាននូវប្រជាប្រិយភាពនិងកេរ្តិ៍ឈ្មោះ ល្បីល្បាញខ្លាំងដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះមានដូចជាតារាស្រីJun Ji Hyun បានបង្ហាញខ្លួនដំបូងរបស់នាង ក្នុងអំឡុងឆ្នាំ១៩៩៧។ Jun Ji Hyun បានចាប់ផ្តើម អាជីពដំបូងរបស់នាង ក្នុងវិស័យសិល្បៈជា តារាបង្ហាញម៉ូតនិងជា អ្នកថតផ្សព្វផ្សាយពាណិជ្ជកម្ម។ ក្នុងឆ្នាំ២០០១ នាងក៏បានប្រែខ្លួនថែមមួយកម្រិតទៀត ដោយបានចូលរួមសម្តែង ក្នុងខ្សែភាពយន្តបែបកំប្លែងមួយ ដែលមានចំណងជើងថា“My Sassy Girl” ដែលជាភាពយន្តមួយ ដែលជួយឲ្យតារាស្រីរូបនេះ អាចរកចំណូលបានយ៉ាង ខ្ពស់បំផុតមួយរូបក្នុងចំណោម តារាកំប្លែងរបស់កូរ៉េផងដែរ។
កាលពីពេលថ្មីៗនេះ នាងក៏ទើបតែទទួលបាននៅ ប្រជាប្រិយភាពយ៉ាងខ្លាំងទាំងក្នុងនិងក្រៅប្រទេស តាមរយៈការបង្ហាញវត្តមានជា តួឯកក្នុងខ្សែភាពយន្តមនោសញ្ចេតនា លាយឡំជាមួយការកំប្លែង “My Love From The Star” រួមទាំងខ្សែភាពយន្ត “The Legend of the Blue Sea” ផងដែរ។ មិនតែប៉ុណ្ណោះ កាលពីឆ្នាំ២០០៦ នាងក៏ធ្លាប់បានបង្ហាញខ្លួន ក្នុងខ្សែភាពយន្តហូលីវូដមួយដែលមាន ចំណងជើងថា “Blood: The Vast Vampire” ទៀតផង។ ជាការពិតណាស់ តារាស្រីរូបនេះ នៅតែទទួលបាននៅ ការគាំទ្រក៏ដូចជាភាពជោគជ័យយ៉ាងខ្លាំងដដែល បើទោះបីជានាងមានគ្រួសារនិង ទទួលបានកូន២រួចមកហើយ ក៏ដោយយ៉ាងណាក្តី។
ចំណែកតារាស្រីមួយរូបទៀតនេះ គឺLee Hyori ដែលអ្នកគ្រប់គ្នាស្គាល់ នាងថាជា “Nation Fairy” ។ តារាស្រីរូបនេះ បានបង្ហាញខ្លួនដំបូង កាលពីឆ្នាំ១៩៩៨ ក្នុងនាមជាសមាជិក នៃក្រុមចម្រៀងនារីFin.K.L.។ ក្នុងពេលនោះ ក្រុមចម្រៀងនារីមួយនេះ គឺពិតជាទទួលបាននូវភាពជោគជ័យ ក៏ដូចជា ប្រជាប្រិយភាពយ៉ាងខ្លាំង ក្នុងវិស័យចម្រៀងរបស់កូរ៉េ ហើយបើទោះបីកន្លងទៅយូរយ៉ាងណាក្តី ក៏ក្រុមចម្រៀងនារីមួយនេះ នៅតែមានអ្នកស្គាល់និង មានការគាំទ្រផងដែរ។
ក្នុងឆ្នាំ២០០៣ Hyori បានបង្ហាញប្រែខ្លួនមកធ្វើជា តារាចម្រៀងស្រីទោល ហើយនាងក៏ទទួលបាននៅ ភាពជោគជ័យយ៉ាងខ្លាំងផងដែរ។ ជាក់ស្តែង បទចម្រៀងទោល របស់នាងដែលមានចំណងជើងថា “10 Minutes” បានជួយឲ្យនាងឈ្នះ នៅពានរង្វាន់ធំៗចំនួន៧បន្តបន្ទាប់ ហើយត្រូវបានទទួលនៅ ការគាំទ្រយ៉ាងខ្លាំង នៅទូទាំងប្រទេសកូរ៉េខាងត្បូង។ បន្ទាប់មកក្នុងឆ្នាំ២០០៥ នាងក៏បានចាប់ផ្តើមចាប់អាជីពជា តារាសម្តែងមួយបន្ថែមទៀត ដោយរឿងភាគដំបូងរបស់នាង មានចំណងជើងថា “Three Leaf Clover”។
រហូតមកទល់នឹងពេលបច្ចុប្បន្ន នាងមិនត្រឹមតែទទួលទទួលបាននៅ ការគាំទ្រក្នុងវិស័យចម្រៀងនិងភាពយន្តតែប៉ុណ្ណោះនោះទេ នាងក៏ជាអ្នកតំណាង ថតកម្មវិធីកម្សាន្ត រួមទាំងជាសកម្មជនមួយរូបផងដែរ៕
១. Jun Ji Hyun
២. Lee Hyori