ភ្នំពេញ៖ កាលពីពេលថ្មីៗនេះមានការភ្ញាក់ផ្អើលយ៉ាងខ្លាំង ក្រោយតារាចម្រៀងប្រុស និងជាអ្នកនិពន្ធចម្រៀងម្នាក់ បូទី បានជួបរឿងស៊យផ្ទួនៗគ្នា អស់ប្រាក់ដែលយកទៅតាមខ្លួន ជាច្រើនដោយសារតែមានជនឆបោកបន្លំយកទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីម្សិលមិញនេះ តារាប្រុសរូបនេះបាននាំគូស្នេហ៍របស់ខ្លួនទៅដើរលេងលំហែកាយ យ៉ាងសប្បាយរីករាយយ៉ាងខ្លាំង ក៏ប៉ុន្តែពេលត្រឡប់មកវិញ ឡានរបស់លោកក៏ខូចតាមផ្លូវ ហើយក៏បានដោះកាបូប ដែលខ្លួនបានស្ពាយជាប់នឹងខ្លួននោះនៅលើឡាន។ ក៏ប៉ុន្តែនៅក្នុងនោះក៏ស្រាប់តែមានបុរសម្នាក់ ធ្វើជាមកជួយ និងឲ្យលោកចុះពីលើឡានយកដុំថ្ម ហើយក៏ឆ្លៀតឱកាសយកកាបូបដែលនៅក្នុងឡាននោះ យកទៅបាត់ លោកតាមក៏មិនទាន់ដែរ។
ដោយក្នុងនោះលោកបានបញ្ជាក់ថានៅក្នុងកាបូបមាន លុយ១០២៥ដុល្លារ ទូរស័ព្ទ IPhone XR ទើបទិញ៨៤០ដុល្លារ និងឯកសារមួយចំនួននៅក្នុងនោះទៀត ធ្វើឲ្យបណ្តាអ្នកគាំទ្រជាច្រើនពិតជាសោកស្តាយ និងអាណិតដល់លោក ដែលមិនគួរជួបរឿងបែបនេះនោះទេ។
ជាមួយគ្នានេះដែរ លោកក៏បានផ្តាំទៅបណ្តាអ្នកលេងបណ្តាញសង្គម និងហ្វេនជាច្រើន ឲ្យមានការប្រុងប្រយ័ត្នខ្ពស់ចំពោះរឿងនេះផងដែល ព្រោះជនខិលខូចឆ្លៀតឱកាសខ្លាំងនៅពេលដែលយើងមានបញ្ហាបែបនេះ។
សូមទស្សនារូបភាពខាងក្រោមនេះ៖