មង្គលការ Bitoey គ្រាន់តែចំណាយមួយថ្ងៃ អស់ប្រាក់ជាង៤៥លានបាត សម្រាប់ពិធីដ៏សម្បើមនេះ

ថៃ៖ ដូចដែលប្រិយមិត្តបានជ្រាបហើយថា ពិធីមង្គលការរបស់តារាស្រីស៊ិចស៊ីថៃជួរមុខ អ្នកនាង​​​​ Bitoey និងស្វាមីរូបសង្ហា លោក​​ Man បានធ្វើឲ្យកក្រើកពិភពសិល្បៈថៃ ដោយក្នុងនោះមានការអញ្ជើញចូលរូមសុទ្ធសឹងតែពីសំណាក់តារាល្បីៗលំដាប់ប្រទេស តែម្ដង។

ជាមួយគ្នានេះដែរ ពិធីមង្គលការរបស់លំដាប់តារាស្រី អ្នកនាង Bitoey និងស្វាមីជាទីស្រលាញ់ បានរៀបចំឡើងយ៉ាងអធិកអធម នៅទីកន្លែងយ៉ាងប្រណីត ក្រោមការរៀបចំយ៉ាងស្រស់ស្អាត សាកសមនឹងកេរ្តិ៍ឈ្មោះតារាស្រីលំដាប់ប្រទេសតែម្ដង។

យ៉ាងណាមិញ សម្រាប់ពិធីយ៉ាងអធិកអធមមួយនេះ បានដំណើរការទៅក្រោមបរិយាកាសពោរពេញទៅដោយភាពសប្បាយរីករាយ និងជាពិសេសទទួលបាននូវស្នាមញញឹម ពីសំណាក់មិត្តរួមអាជីព ក៏ដូចជាសាច់ញាតិបងប្អូន ដែលបានអញ្ជើញចូលរួមជាច្រើនផងដែរ។

ដោយឡែក អ្វីដែលធ្វើឲ្យមហាជនមានការចាប់អារម្មណ៍ជាងនេះទៅទៀតនោះ ដោយកាលពីពេលថ្មីៗនេះ តាមរយៈការផ្ដល់កិច្ចសម្ភាសន៍ដល់បណ្ដាអ្នកសារព័ត៌មានបានឲ្យដឹងថា ចំពោះពិធីមង្គលការរបស់តារាស្រីរូបនេះ បានចំណាយប្រាក់សម្រាប់រៀបចំ ក្នុងថ្ងៃដ៏ពិសេសមួយនេះ ដោយចំណាយអស់ជាង ៤៥លានបាតឯណោះ ទៅលើទីកន្លែងកម្មវិធី និងជាពិសេសទៅលើការរៀបចំផ្កាកុលាប ហើយនិងផ្កាស្រស់ផ្សេងៗទៀត​ ដែលនាំយកមកពីបរទេស សម្រាប់តែងលម្អ ដោយនេះក៏បូករួមនឹងថ្លៃកាត់សម្លៀកបំពាក់អស់ជាង១២លានបាតផងដែរ៕

សូមទស្សនារូបភាពខាងក្រោម៖