រាជធានីភ្នំពេញ ៖ តារាបង្ហាញម៉ូដ និងតារាសម្តែងអ៊ុន អាលីហ្សា បានរៀបការផ្អើលគេឯងកាលពីប៉ុន្មានខែមុននេះ ដោយអ្នកណាៗក៍លើកសរសើរនាងថាបានស្វាមីរាងសង្ហាមិនចាញ់តួឯកកុនរហូតគេច្រណែន។ យ៉ាងណាមិញ តារាស្រីម្នាក់នេះកំពុងលេចឮថា ពរពោះកូនដំបូងដែលធ្វើឱ្យនាងសប្បាយចិត្តបានក្លាយជាមាតាគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេលទទួលបាននូវសេចក្តីសុខស្នេហាយ៉ាងកក់ក្តៅ អ៊ុន អាលីហ្សា កំពុងតែទន្ទឹងរង់ចាំដំណឹងចាកចេញទៅរស់នៅនាយសមុទ្រជាមួយស្វាមី ហើយនាងបានប្រកាសទាំងស្រុងថាលាឈប់ពីសិល្បៈ ដែលតស៊ូក្រោយពេលរកបានអនាគតច្បាស់លាស ។ ចាត់ទុកថា អាលីហ្សា ជាតារាស្រីដែលមានសំណាង ព្រោះក្រោយពីពើបប្រទះស្នេហ៍បរាជ័យមក នាងក៏បានរៀបការ ជាមួយបុរសល្អ ដែលស្រឡាញ់នាងដោយស្មោះ និងមានទាំងរូបសង្ហាហើយថែមទាំងជាអ្នកមានជីវភាពធូរធារទៀតផង ។
អាលីហ្សាបានឲ្យអ្នកយកព័ត៌មានយើងដឹងកាលពីពេលថ្មីៗនេះថា«ឈប់សម្តែងហើយដោយសារមានប្តីហើយកំពុងរង់ចាំការធ្លាក់វិសារទៅអាមេរិក។នាងនៅម្នាក់ឯងពេលនេះដោយស្វាមីនាងបានចេញទៅអាមេរិកយូរដែរ។នាងមានតែអនុស្សាវរីយ៍លើសិល្បៈប៉ុណ្ណោះនិងអរគុណអ្នកគាំទ្របានលើកទឹកចិត្តនាងឲ្យតតាំងសិល្បៈរហូតនាងនៅតែចងចាំ»។
សម្រាប់ការសម្តែងរឿងអាលីហ្សា ឈប់ទទួល ហើយតែការច្រៀងនៅតាមកម្មវិធីនានា នាង ទទួលជាធម្មតា ។ អ្វីដែលចាប់អារម្មណ៍រៀបការប្រមាណជាជិតពីរខែ ពេលនេះអាលីហ្សា ក៏ មានដំណឹងល្អ ដែលសមតាមបំណងរបស់នាង ព្រោះនាងគិតថា វ័យរបស់នាងក៏ស័ក្តិសមនឹង មានកូនហើយដែរ ។ កន្លងមកតារាស្រីរូបស្រស់ម្នាក់នេះធ្លាប់ប្រាប់ថា មិនថា កូនប្រុស ឬកូនស្រី នាងស្រឡាញ់ទាំងអស់ ៕ (កែសម្រួលដោយ ៖ ធីតា)
ប្រភព៖ កោះសន្តិភាព