ភ្នំពេញ៖ ក្រោយការបង្ហាញបញ្ជីឈ្មោះបឋមកីឡាករទាំង ២៦រូបរបស់ក្រុមជម្រើសជាតិដើម្បីហ្វឹកហាត់ត្រៀមការប្រកួតវគ្គជម្រុះជុំទីពីរព្រឹត្តិការណ៍ FIFA World Cup Qatar 2022 មានអ្នកគាំទ្រជាច្រើននៅតែមានចម្ងល់ថាមូលហេតុអ្វីបានជាលោក Felix មិនកោះហៅខ្សែប្រយុទ្ធ ចាន់ វឌ្ឍនាកា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមប្រភពព័ត៌មានពីក្លិបបាល់ទាត់បឹងកេតកាលពីថ្ងៃច័ន្ទ បានឲ្យដឹងថា ខ្សែប្រយុទ្ធមានដើមកំណើតមកពីខេត្តកំពត ចាន់ វឌ្ឍនាកាបានរងរបួសជង្គង់ អំឡុងការប្រកួតជាមួយណាហ្គាវើល ក្នុងជំនួបសប្ដាហ៏ទី២៣ ពានរង្វាន់លីគកំពូលកម្ពុជា ដោយត្រូវចាកឆ្ងាយពីលើទីលានរយៈពេល ២ទៅ៣សប្ដាហ៍ដើម្បីព្យាបាល។
យ៉ាងណាយើងមិនទាន់ដឹងច្បាស់ថានេះជាមូលហេតុដែលមិនមានឈ្មោះ វឌ្ឍនាកា ឬយ៉ាងណានោះទេ ខណៈហេតុផលច្បាស់លាស់យើងនឹងរង់ចាំស្ដាប់ការបកស្រាយពីសំណាក់លោក Felix G. Dalmas ទាំងអស់គ្នា៕