យូរៗជុំគ្នាម្ដង យក់ ថិតរដ្ឋា និងស្វាមី បណ្ដើរគ្នាទៅវត្តយ៉ាងពោរពេញដោយភាពកក់ក្តៅ!

ភ្នំពេញ៖ ដូចដែលប្រិយមិត្តបានជ្រាបរួចមកហើយថា ដោយនេះជារដូវកាន់បិណ្ឌ គេសង្កេតឃើញថា ​ពុកម៉ែបងប្អូនទាំងអស់ បាននាំគ្នាយកចង្ហាន់ទៅប្រគេនព្រះសង្ឃនៅឯវត្ត ដែលនេះជាប្រពៃណីខ្មែរយូរលង់ណាស់មកហើយ។

យ៉ាងណាមិញ បើងាកមកចាប់អារម្មណ៍ ប្ដីប្រពន្ធតារាចម្រៀងប្រុសស្រី អ្នកនាង យក់ ថិតរដ្ឋា និងស្វាមី លោក ឃុំ ប៉ុណ្ណាដែត វិញ ក៏បានបង្ហោះរូបភាពជាច្រើនសន្លឹក នៅលើបណ្ដាញសង្គម នូវសកម្មភាពទៅវត្តជួបជុំគ្រួសារ យ៉ាងកក់ក្តៅ ក្រោយទំនេរដៃពីការងារ ដែលធ្វើឲ្យអ្នកគាំទ្រកួចចិត្តសរសើរ ពីគ្រួសារដ៏រីករាយរបស់អ្នកទាំងពីរផងដែរ។

គួរឲ្យដឹងផងដែរថា បើគិតមកទល់ពេលនេះ គឺបិណ្ឌទី៨ហើយ ហើយគេក៏សង្កេតឃើញថា មានប្រជាពលរដ្ឋខ្មែរ ក៏ដូចជាតារាសិល្បជាច្រើន ដែលគោរពនិងកាន់នូវព្រះពុទ្ធសាសនា បានទៅវត្តយកចង្ហាន់ប្រគេនព្រះសង្ឃ ដើម្បីឧទ្ទិសដល់បុព្វការីជនដែលបានចែកឋានទៅផងដែរ៕

ទស្សនារូបភាពខាងក្រោម៖