ថៃ៖ តារាសម្តែងប្រុសវ័យ Yorch Yongsin ដែលប្រិយមិត្តភាគច្រើនស្គាល់តារាប្រុសរូបនេះ តាមរយៈការសម្តែងធ្វើជាតួកូន ក្នុងរឿងនាងឡាំយ៉ង។ ទោះបីជាពេលសម្តែងនៅក្នុងរឿងឡាំយ៉ង Yorch នៅវ័យក្មេងក៏ពិតមែន ប៉ុន្តែលោកមានដុងខាងវិស័យសិល្បៈ អាចសម្តែងបានយ៉ាងល្អរហូតមានការទទួលស្គាល់ពីសំណាក់អ្នកទស្សនា និងមានការគាំទ្របន្តបន្ទាប់មកដល់សព្វថ្ងៃនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រៅពីទេពកោសល្យក្នុងការសម្តែង តារាប្រុសវ័យក្មេងរូបនេះថែមទាំងមាន រូបសម្បត្តិស្រស់សង្ហាអំណោយផលពីធម្មជាតិ ដែលឆក់យកបេះដូងអ្នកគាំទ្រនារីៗមិនស្ទើរនោះទេ។ ទៀតសោតមិនត្រឹមតែជាតារា ដែលមានកេរ្តិ៍ឈ្មោះនៅក្នុងប្រទេសប៉ុណ្ណោះទេ ប៉ុន្តែ Yorch ថែមទាំងមានមហិច្ឆតាចង់ក្លាយខ្លួនទៅជា តារាKPOPទៀតផង។
ជាក់ស្តែងក្តីស្រម៉ៃរបស់លោកកំពុងតែក្លាយទៅជាការពិតបន្តិចម្តងៗហើយ ដោយកាលពីថ្ងៃទី១៦ ខែកញ្ញាម្សិលមិញនេះ មានការកក្រើកយ៉ាងខ្លាំងនៅក្នុងបណ្តាញសង្គមTwitter ប្រទេសថៃ ក្រោយទទួលបានដំណឹងថា មានផលិតកម្មធំរបស់កូរ៉េ បានទាក់ទងមក Yorch ដើម្បីចូលទៅក្នុងផលិតកម្មរបស់គេ។
ជាមួយគ្នានេះថែមទាំងបង្ហើបឲ្យដឹងទៀតថា Yorch ធ្លាប់ទៅ Audition រួចមកហើយជាមួយផលិតកម្មយក្សចំនួន៣របស់កូរ៉េ ហើយក៏បានជាប់ក្នុងផលិតកម្មមួយក្នុងចំណោមផលិតកម្មទាំង៣ដូចគ្នា។ ប៉ុន្តែដោយសារតែពេលនេះខ្លួននៅមានកុងត្រាជាមួយ ស្ថានីយទូរទស្សន៍ប៉ុស្តិ៍លេខ៣ថៃ ទើបមិនបានចូលហ្វឹកហាត់ដូច អ្នកហ្វឹកហាត់សម្រាប់ត្រៀម Debut ដទៃទៀត។
យ៉ាងណាមិញដំណឹងនេះ បានធ្វើឲ្យអ្នកគាំទ្រមានអារម្មណ៍រំភើប និងសប្បាយរីករាយយ៉ាងខ្លាំង ក្រោយពីបានឃើញពីភាពជោគជ័យមួយកម្រិតទៀត របស់តារាវ័យក្មេងដែលពោរពេញទៅដោយសមត្ថភាពរូបនេះ បើទោះបីជាដំណឹងមួយនេះ មិនទាន់មានបញ្ជាក់ឲ្យច្បាស់ពីសាមីខ្លួន យ៉ាងណាក្តី៕
សូមទស្សនារូបភាពខាងក្រោម៖