រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីក្មេងប្រុសម្នាក់សង្ស័យវង្វេងឪពុកម្តាយ ហើយត្រូវបាននគរបាលចរាចរណ៍ប្រទះឃើញនៅក្រោមស្ពានអាកាស៧មករា តាំងពីវេលាម៉ោង១២ថ្ងៃត្រង់ថ្ងៃទី១៥ កញ្ញា មកម៉្លេះ ហើយគេមិនដឹងថា ក្មេងប្រុសម្នាក់នោះស្នាក់នៅឯណាទេ ហើយក៏មិនដឹងថាវង្វេងឪពុកម្តាយតាំងពីកន្លែងណានោះដែរ ស្រាប់តែគេឃើញក្មេងប្រុសម្នាក់នោះដើរក្រោមស្ពានអាកាស៧មករា ហើយត្រូវបាននគរបាលនាំយកមកប្រគល់ឱ្យនគរបាលប៉ុស្តិ៍ទឹកល្អក់ទី១ ស្ថិតក្នុងខណ្ឌទួលគោក ដើម្បីរង់ចាំឪពុកម្តាយមកទទួលយកត្រឡប់ទៅផ្ទះវិញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមសេចក្តីរាយការណ៍បានបន្តថា ក្មេងប្រុសខាងលើនេះត្រូវបានគេសង្ស័យថាជាជនជាតិចិន ព្រោះនៅពេលសមត្ថកិច្ចសួរនាំ ក្មេងប្រុសម្នាក់នោះនិយាយជាភាសាចិនថាឈ្មោះយ៉ូវ ម៉ីងតា អាយុ៥ឆ្នាំ លុះពេលសមត្ថកិច្ចឱ្យសរសេរ ក៏ក្មេងប្រុសនោះសរសេរជាភាសាចិនដែរ ព្រមទាំងនិយាយរៀបរាប់ឈ្មោះឪពុកម្តាយក៏ជាឈ្មោះចិនផងដែរ ។
តាមការរៀបរាប់របស់ក្មេងប្រុសខាងលើបានឱ្យដឹងថា ឪពុករបស់គេមានទីលំនៅម្តុំផ្សារជម្ពូវ័ន្ត ខណ្ឌពោធិសែនជ័យ ហើយក្មេងប្រុសនោះបានរៀបរាប់បន្តថា កាលពីព្រឹកមិញ រូបគេបានជិះម៉ូតូជាមួយឪពុក ដើម្បីមកផ្ទះយាយ តែមិនដឹងថានៅទីណានោះទេ បន្ទាប់មកឪពុកក៏បានទៅចោលបាត់ ហើយមិនដឹងថាទៅណានោះទេ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ប្រភព៖ កោះសន្តិភាព
Bong I.T