ភ្នំពេញ៖ កាលពីព្រឹកមិញនេះ កំពូលតារាចម្រៀងប្រចាំផលិតកម្មរស្មីហង្សមាស អ្នកនាង សុគន្ធ និសា បានធ្វើឲ្យគ្រប់គ្នាភ្ញាក់ផ្អើលមែនទែន ព្រោះឃើញតារាស្រីរូបនេះ បង្ហោះរូបជាមួយលោក ហ្សូណូ យ៉ាងស្វីត បង្ហាញពីការងារថតបទចម្រៀងថ្មីរបស់ពួកគេ ដែលនឹងចេញក្នុងពេលឆាប់ៗខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ទន្ទឹមនឹងភាពភ្ញាក់ផ្អើល ជាមួយរូបភាពស្វីតៗរបស់អ្នកទាំងពីរ ស្រាប់តែប៉ុន្មានម៉ោងក្រោយមក អ្នកនាង សុគន្ធ និសា បានធ្វើឲ្យអ្នកគាំទ្រភ្ញាក់ផ្អើលម្តងទៀត បន្ទាប់ពីឃើញនាងបង្ហោះវីដេអូឃ្លីបខ្លីមួយ បង្ហាញពីសកម្មភាពថតបទថ្មីជាមួយលោកហ្សូណូ។
ក្នុងនោះដែរ អ្នកគាំទ្រ ពិតជាទប់សំណើចមិនបាននោះទេ ក្រោយពីឃើញវីដេអូឃ្លីបនោះ ព្រោះថាកាលពីព្រឹកមិញអ្នកទាំងពីរទើបបង្ហោះរូបភាពយ៉ាងស្វីតជាមួយគ្នាសោះ ស្រាប់តែពេលនេះ ឃើញពួកគេបង្ហាញកាយវិកាកំប្លែងៗក្នុងវីដេអូទៅវិញ ពិតជាធ្វើឲ្យអ្នកគាំទ្រសើចស្ទើរតែចុកពោះទៅហើយ។
ទោះជាយ៉ាងណាក្តី គេមិនទាន់ដឹងនៅឡើយនោះទេថា អ្នកទាំងពីរកំពុងតែថតបទចម្រៀងអ្វី ក៏ប៉ុន្តែក្រោយពីឃើញបែបនេះហើយ អ្នកគាំទ្រជាច្រើន កំពុងតែទន្ទឹងចាំមើលបទថ្មីនេះ ព្រោះថាបទនេះ ប្រាកដជាមានកាយវិកាផ្អែមល្ហែមជាងនេះមិនខាននោះទេ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖