នេះជាសម្តី របស់Patricia ថានិយាយអីខ្លះ ក្រោយចែកផ្លូវគ្នាជាមួយPeach!

«តាមពិតទៅកន្លងមកខ្ញុំមិនទាន់មានឱកាសនិយាយអ្វីទាល់តែសោះ គ្រប់យ៉ាងគឺតាមអ្វីដែលបងPeach​ បាននិយាយបញ្ហាចម្បងគឺ ដោយសារការទំនាក់ទំនងថយចុះ ទើបបណ្តាលឲ្យរឿងបែបនេះកើតឡើង។ វាជាការសម្រេចចិត្តរវាងពួកយើងទាំងពីរ ប៉ុន្តែប្រើពាក្យថាបែកគ្នាយ៉ាងពិតប្រាកដ ក្នុងកំឡុងពេលដែលខ្ញុំនៅបរទេស។
រឿងអ្នកទី៣គ្មានអ្វីមកពាក់ព័ន្ធជាមួយទំនាក់ទំនងរបស់យើងឡើយ គឺពួកយើងទៅវិញទេដែលចេះតែមានបញ្ហាជាមួយគ្នារឿយៗ។ ខ្ញុំនិងបងNote ពួកយើងទើបតែស្គាល់គ្នា ហើយក៏មិនជិតស្និទ្ធដែរ។ ចំណែកឯរូបដែលគ្រប់គ្នាបានឃើញ គឺពួកយើងទៅញ៉ាំបាយជាមួយក្រុមមិត្តភក្តិ និងអ្នកស្គាល់គ្នា ហើយក៏មិនបានញ៉ែគ្នាដែរ គ្រាន់តែនិយាយគ្នាធម្មតាប៉ុណ្ណោះ។ អ្វីដែលបងNoteផុស ខ្ញុំក៏បានអានហើយនេះជាសិទ្ធិរបស់គាត់ ហើយខ្ញុំក៏ចង់សុំទោសបងNoteដូចគ្នា ដែលត្រូវជាប់ឈ្មោះមកពាក់ព័ន្ធនៅក្នុងរឿងនេះ»។

«បងPeachបាននិយាយថាពួកយើងមានកំហុសឆ្គង ខ្ញុំគិតថាមនុស្សស្រលាញ់គ្នាគួរតែចេះកែប្រែចំណុចខ្វះខាតរៀងៗខ្លួន។ រឿងដែលនិយាយថាមិនបានតាំងចិត្ត តាមពិតទៅខ្ញុំយល់អ្វីដែលគាត់និយាយ ហើយខ្ញុំក៏មិនខឹងគាត់ដែរ ពេលកន្លងមកខ្ញុំគិតថាខ្ញុំធ្វើបានល្អបំផុតហើយ។ ខ្ញុំក៏ធ្លាប់ធ្វើខុសដូចអ្នកទាំងអស់គ្នាដែរ គ្រប់បញ្ហាបានកើតឡើងនៅពេលយើងកំពុងទាក់ទងគ្នា ហើយពួកយើងក៏ព្យាយាមកែប្រែ តែពិតជាគួរឲ្យស្តាយណាស់ដែលគ្រប់យ៉ាងត្រូវបញ្ចប់។សុំបញ្ជាក់ម្តងទៀតខ្ញុំមិនបានជិះទូកពីរក្នុងពេលតែមួយទេ ខ្ញុំនិងបងNoteត្រឹមតែជាអ្នកស្គាល់គ្នាពិតមែន។​ ចំណែករូបខ្លាឃ្លុំដែលប្រើដូចគ្នា គ្រាន់តែជាការលេងសើចលក្ខណៈមិត្តភក្តិតែប៉ុណ្ណោះ។
រឿងលើកនេះចាត់ទុកជាមេរៀនទៅចុះ ដែលធ្វើឲ្យខ្លួនឯងក្លាយជាមនុស្សធំជាងមុន និងត្រូវដើរទៅមុខបន្តទៀត។ ហើយអ្នកដែលចូលមកComment គឺអ្នកទាំងអស់គ្នាមានសិទ្ធចង់និយាយអ្វីក៏បានដែរ ខ្ញុំមិនអាចហាមឃាត់បាននោះទេ។ តែបើសួរថាខ្ញុំយំឬក៏អត់? ជាធម្មតាទេរឿងពិបាកចិត្តតែងតែមានហើយ គ្រាន់តែខ្ញុំជាមនុស្សលាក់អារម្មណ៍។

ម្សិលមិញនេះ ខ្ញុំបាននិយាយជាមួយបងPeach គាត់ដឹងថាខ្ញុំត្រូវមកផ្តល់បទសម្ភាសន៍ថ្ងៃនេះ ហើយគាត់ក៏បានផ្តល់កម្លាំងចិត្ត។ ខ្ញុំនៅតែមានស្រលាញ់ និងមានអារម្មណ៍ល្អចំពោះគាត់ជានិច្ច »។