ព្រាប សុវត្ថិ ប៉ះឆន​ សុវណ្ណរាជ ច្រៀងលើកដំបូង សម្តែងអោបគ្នាពេញឆាក កក្រើកអ្នកគាំទ្រ(មាវីដេអូ)

ភ្នំពេញ៖ តារាចម្រៀងប្រុសលំដាប់ជួរមុខលោក ព្រាប សុវត្ថិ កាន់តែមានហាងឆេងខ្ពស់នៅក្នុងការងារសិល្បៈ លេចមុខសម្តែងនៅក្នុងប្រទេសនានាជាច្រើន ខណៈពេលដែលបច្ចុប្បន្នវ័យកាន់តែច្រើន មិនត្រឹមតែប៉ុណ្ណោះរាល់ពេលឡើងឆាកម្តងៗលោកតែងតែមានអ្វីប្លែកជានិច្ច។

ជាក់ស្តែង កាលពីពេលថ្មីៗនេះដែរ តារាប្រុសរូបនេះ បានធ្វើការបង្ហាញខ្លួននៅក្នុងការប្រគំតន្រ្តីមួយ​ដែលបានធ្វើការបកស្រាយ ជាមួយនឹងតារាចម្រៀងប្រុសរូបសង្ហា លោកឆន សុវណ្ណរាជ ជាលើដំបូង ដែលធ្វើការសម្តែងយ៉ាងប្លែក កក្រើកអស់អ្នកទស្សនា និងអ្នកគាំទ្រ។

ដោយក្នុងនោះអ្នកទាំង២បានលើកយកបទចាស់ ច្រៀងរួមគ្នា ជាមួយនឹងកាយវិការបង្ហាញការស្រលាញ់ដូចបងប្អូន អោបគ្នាលើកឆាក លេងសម្តីផ្អែមល្ហែម យ៉ាងប្លែក ធ្វើឲ្យអ្នកគាំទ្រចំហរមាត់មើលគ្រប់គ្នាតែម្តង។

ការច្រៀងលើកទី១ជាមួយគ្នានេះ ឃើញថាសម្លេងអ្នកទាំងពីពិតជាស៊ីចង្វាក់គ្នា ទោះបីជាបទនេះហាក់ដូចជាយូរយ៉ាងណាក្តី ក៏ប៉ុន្តែទទួលបានការចាប់អារម្មណ៍ខ្លាំងពីអ្នកគាំទ្រ ជាពិសេសត្រង់កាយវិការ សម្តែងនៅលើឆាករបស់ពួកគេតែម្តង៕

សូមទស្សនារូបវីដេអូខាងក្រោមនេះ៖