ភ្នំពេញ៖ ដំណឹងដ៏សោកសៅ នាព្រឹកនេះស្រាប់តែទទួលបានដំណឹងថា តារាចម្រៀងប្រុសOriginal Song ក្រុមខ្មែរតស៊ូ ពិសិដ្ឋ បានទទួលមរណភាពត្រឹមរយៈពេលដ៏ខ្លី ធ្វើឲ្យអ្នកគាំទ្រក៏ដូចជាមិត្តរួមសិល្បៈជាច្រើន ពិតជាមានការសោកស្តាយយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះដែរ ឃើញថាដំណឹងមួយនេះ ពិតជាសឹងមិនគូរឲ្យជឿនោះទេ ព្រោះថាលោកតែងតែបង្ហាញមុខនៅតាមបណ្តាញសង្គមYouTube និងចេញបទថ្មីៗជាច្រើនដែលធ្លាប់ច្រៀងរួមគ្នាជាមួយនឹង តារាចម្រៀងវ័យក្មេង វណ្ណ ចេស្តា ក៏ដូចជានេន ទុំ និងធ្លាបរ៉េបក្នុងបទដ៏ល្បី«ក្រមុំ៣ស្ទាយ៍» ទៀតផង។
ការស្លាប់របស់តារារូបនេះត្រូវបានគេដឹងថា លោកបានស្លាប់ដោយសារតែមានជំងឺច្រើនមុខ (ក្រពះ ឈាមសស៊ីឈាមក្រហម) នៅក្នុងខ្លួន ដែលមិនអាចទ្រាំបាន រូបរាងប្រែជាស្គមខ្លាំងមើលសឹងតែមិនស្គាល់។ ក្រោយពីដឹងបែបនេះបានធ្វើឲ្យមិត្ត ក៏ដូចជាគ្រួសារ ពិតជាមានការសោកស្តាយក្នុងការបាត់បង់រូបលោកតែម្តង ដែលបានចាកចេញត្រឹមរយៈពេលដ៏ខ្លីបែបនេះ។
ជាមួយគ្នានេះដែរ អ្នកលេងបណ្តាញសង្គមជាច្រើនបាននាំគ្នាចូលរួមរំលែកទុក្ខ ដល់រូបលោក ក៏ដូចជាក្រុមគ្រួសារ ដែលត្រូវបានបាត់បង់មនុស្សល្អបែបនេះ៕
សូមទស្សនារូបភាពខាងក្រោមនេះ៖
Bong I.T