កូរ៉េខាងត្បូង៖ មានតារាល្បីជាច្រើនក្នុងវិស័យសិល្បៈកូរ៉េ ដែលពួកគេអ្នកខ្លះសុទ្ធសឹងតែមិនមែនមកពីគ្រួសារអ្នកមាននោះទេ គឺពួកគេត្រូវខិតខំវ្វឹកហាត់ នឹងចំណាយពេលជាច្រើនទៅលើការសម្តែងស្ទើរតែគ្មានពេលសម្រាក ដើម្បីទទួលបានការគាំទ្រ ក៏ដូចជាប្រាក់ពីការឡើងសម្តែងទាំងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ពួកគេត្រូវ ដាក់ចិត្តដាក់កាយ ញើសឈាម ការឈឺចាប់ព្រមទាំងទឹកភ្នែកចូលទៅក្នុងការងារទាំងអស់នោះ។ រួមជាមួយការលំបាកទាំងនេះ ក៏មានតារាល្បីៗមួយចំនួនដែលទទួលបានផ្លែផ្កាពីការងាររបស់ពួកគេ ហើយក៏បានបរិច្ចាគនៅកម្លាំងញើសឈាម ដែលពួកគេខិតខំរកបានទៅកាន់អ្នកដែលត្រូវការវាផងដែរ។
អ្វីដែលគួរឲ្យសរសើរនោះគឺ តារាល្បីទាំងប៉ុន្មានដួងនេះ ធ្លាប់បានលះបង់នៅថវិកាផ្ទាល់ខ្លួនក្នុងការងារមនុស្សធម៌ ដែលមានចំនួនច្រើនជាង១០០លានវ៉ុន(៨២,៧៥០ដុល្លារអាមេរិក) ក្នុងគោលដៅ ដើម្បីជួយដល់អ្នកដែលកំពុងជួបនៅស្ថានភាពលំបាកខ្លាំង៕
១. Jin សមាជិកក្រុមBTS
Jin បានចូលរួមជាមួយក្រុមកិត្តិយសរបស់UNICEF សម្រាប់ការបរិច្ចាគលុយច្រើនជាង១០០លានវ៉ុន។ តាមការរាយការណ៍បានបញ្ជាក់ថា Jin បានបរិច្ចាគលុយរបស់ខ្លួនចូលអង្គការចាប់តាំងពីខែឧសភា ឆ្នាំ២០១៨។
២. Jimin សមាជិកក្រុមBTS
កាលពីខែឧសភា កន្លងទៅJimin បានបរិច្ចាគលុយ១០០លានវ៉ុនទៅឲ្យការិយាល័យក្រសួងអប់រំនៅBusan រួមទាំងការបរិច្ចាគជួយ ដល់សម្លៀកបំពាក់សិស្សនៅអនុវិទ្យាល័យដែលរូបគេធ្លាប់បានសិក្សាផងដែរ។
៣. IU
IU ត្រូវបានគេស្គាល់ថាជាតារាស្រីចិត្តធម៌បំផុត ដែលនាងបានបរិច្ចាគថវិកាផ្ទាល់ខ្លួនសរុបរហូតដល់ទៅ៦០០លានវ៉ុនស្មើនឹង៤៩៦.៣៥៩ដុល្លារអាមេរិក កាលពី៤ឆ្នាំមុនទៅកាន់កុមារដែលមកពីគ្រួសារខ្សត់ខ្សោយបំផុត
៤. Taeyeon សមាជិកក្រុមGirl Generation
កាលពីខែកក្កដាកន្លងទៅ តាមការរាយការណ៍បានឲ្យដឹងថាTaeyeon បានបរិច្ចាគលុយ១០០លានវ៉ុនដល់កាកបាទក្រហមកូរ៉េ ដើម្បីជួយដល់ស្រ្តី កូនក្មេង ព្រមទាំងក្មេងវ័យជំទង់ដែលបានផ្តល់នៅសម្ភារៈអនាម័យផ្ទាល់ខ្លួនសម្រាប់ពួកគេ។
៥. Suzy
Suzy បានអបអរខួបកំណើតរបស់ខ្លួនកាលពីឆ្នាំមុនដោយបរិច្ចាគថវិកាផ្ទាល់ខ្លួន១០០លានវ៉ុន សមាគមន៍ចែករំលែកជីវិត សម្រាប់ជួយអ្នកជំងឺមហារីកនិងជំងឺឈាមសស៊ីឈាមក្រហម។
៦. Hyeri សមាជិកក្រុមGirl Day
Hyeri បច្ចុប្បន្នជាសមាជិកក្មេងបំផុតនៃសមាជិកក្លឹបកិត្តិយសរបស់UNICEF។ ជាក់ស្តែងកាលពីបុណ្យChristmas ឆ្នាំមុនHyeri បានបរិច្ចាគលុយ៥០លានវ៉ុនស្មើនឹង៤១,៣៦៧ដុល្លារអាមេរិក ដើម្បីជួយដល់កុមារដែលកំពុងតែមានជំងឺ។
៧. Park Shin Hye
តារាស្រីរូបនេះបានបរិច្ចាគ១០០លានវ៉ុន ដល់អង្គការមនុស្សធម៌អត់ឃ្លានរបស់ពិភពលោក។ ហើយក្នុងឆ្នាំ២០១៦នាងត្រូវបានចូលរួមណែនាំចូលក្នុងក្លឹបរបស់ Korea Food for the Hungry International(KHFI)ផងដែរ។
៨. Seo Jang Hoon
តារាប្រុសរូបនេះបានចាប់ផ្តើមបរិច្ចាគចាប់តាំងពីឆ្នាំ២០១៧។ គាត់បានបរិច្ចាគប្រាក់ចំនួន១០០លានវ៉ុនទៅដល់ សហគមន៍Chest of Korea ដែលជួយដល់ការអប់រំនិងការរស់នៅរបស់កុមារកំព្រា។ មិនតែប៉ុណ្ណោះគាត់ក៏បានបរិច្ចាគលុយ២០០លានវ៉ុនស្មើនឹង១៦៥,៥០៥ដុល្លារអាមេរិកជួយដល់សាកលវិទ្យាល័យYonsei សម្រាប់ជាអាហាររូបករណ៍ដល់និស្សិតដែលមកពីគ្រសារក្រីក្រ។