អង់គ្លេស៖ ក្លិបបាល់ទាត់ហង្សក្រហម Liverpool បានប្រកាសជាផ្លូវការនៃការមកដល់របស់កីឡាករវ័យ ១៦ឆ្នាំ Harvey Elliott បន្ទាប់ពីប្រជែងឈ្នះ Barcelona ក្នុងការនាំយកខ្សែបម្រើស្លាបរូបនេះមកកាន់កីឡដ្ឋាន Anfield។
Harvey Elliott ស្ថិតក្នុងចំណុចរសើបរបស់បណ្ដាក្លិបធំៗ ក្រោយបានបង្ហាញភាពទាក់ទាញ បន្ទាប់ពីចូលលេងឲ្យក្រុមធំរបស់ Fulham កាលពីរដូវកាលមុនចំនួន ៣ប្រកួត។ Elliott បានក្លាយខ្លួនជាកីឡាករវ័យក្មេងដែលបង្ហាញខ្លួនក្នុងក្របខណ្ឌ Premier League ពោលគឺគេចូលលេងឲ្យ Fulham តទល់នឹង Wolverhampton កាលពីខែឧសភា ដែលពេលនោះគេមានវ័យត្រឹម ១៦ឆ្នាំ និង ៣០ថ្ងៃប៉ុណ្ណោះ។
កីឡាករយុវជនជម្រើសជាតិអង់គ្លេស Harvey Elliott បានចូលលេងលើកដំបូងឲ្យ Liverpool ក្រោយផ្លាស់ចូលក្នុងវគ្គទីពីរ ជំនួបមិត្តភាពជាមួយ Napoli កាលពីម្សិលមិញ នៅទីក្រុង Edinburgh ដោយ Liverpool បានចាញ់ Napoli ក្នុងលទ្ធផល ៣-០។
ប្រភព៖ BBC
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
