កូរ៉េខាងត្បូង៖ ក្នុងថ្ងៃទី២៥ ខែកក្កដានេះ ភ្នាក់ងារUAA របស់តារាសម្តែងស្រីSong Hye Kyoបានដាក់ពាក្យបណ្ដឹង ទៅកាន់ស្ថានីយ៍ប៉ូលីសប៊ុនដាង(Bundang) ពីបទបរិហារកេរ្តិ៍ និងការប្រមាថមើលងាយមកលើតារាស្រីរូបនេះ ដើម្បីប្រឆាំងនឹងអ្នក ដែលបាន ផ្សព្វផ្សាយ ពាក្យចចាមអារ៉ាមផ្តេសផ្តាស។
ភ្នាក់ងារខាងSong Kye Kyo បានចេញសេចក្តីប្រកាសថា ខាងយើងបានដាក់ពាក្យបណ្តឹងដំបូង របស់យើងនៅកាន់ ស្ថានីយ៍ប៉ូលីសប៊ុងដាង ដើម្បីចាត់វិធានការលើបុគ្គល ដែលយើងបានប្រមូលភស្តុតាង ទាក់ទងនឹងពួកគេ ដែលបានចែកចាយ នៅពាក្យចចាមអារ៉ាមមិនពិត ការបង្កាច់បង្ខូចនិង ការនិយាយប្រមាថមើលងាយជាដើម។
ទាក់ទងទៅនឹងបណ្តឹងនេះ ខាងភ្នាក់ងាររបស់តារាស្រីរូបនេះ បានចាត់ចែងឲ្យក្រុមហ៊ុនច្បាប់Kim & Chang ជាអ្នកតំណាងស្របច្បាប់របស់ខ្លូន ហើយនៅថ្ងៃទី ២៨ ខែមិថុនានេះ ពួកគេនឹងត្រៀមខ្លួន ចាត់វិធានការតាមផ្លូវច្បាប់ ទៅលើបុគ្គលទាំងអស់នោះផងដែរ។
ម្យ៉ាងវិញទៀតចំពោះការ ដាក់ពាក្យបណ្តឹង ខាងភ្នាក់ងាររបស់តារាស្រីរូបនេះ បានជម្រាបថា ពួកគេនឹងចាត់វិធានការ យ៉ាងខ្លាំងក្លាដោយគ្មានភាពមេត្ដា ឬធ្វើការចរចាដោយប្រការណាមួយឡើយ។ ហើយពួកគេក៏បាន ប្រកាសជាថ្មីម្តងទៀតផងដែរថា នឹងគ្មានការចរចានៅក្នុងរឿង ក្តីទីពីរដែលពួកគេបាន ដាក់បញ្ចូលនោះដូចគ្នា។
ពេលនេះមានមនុស្សមួយចំនួន បានព្យាយាមសាយភាយ នៅរឿងដែលគ្មានមូលដ្ឋាន ច្បាស់លាស់ នឹងរឿងដែលមិនអាច នឹកស្មានដល់ផ្សេងទៀត អំពីតារាសម្តែង Song Hye Kyo ។ ហើយរឿងទាំងអស់នេះមិនត្រឹមតែ សង្គមមិនអាចទទួលយកបាននោះទេ តែវាក៏បង្កឲ្យSong Hye Kyo មានការឈឺចាប់ពិបាក ទទួលយកបានដូចគ្នា។
លើសពីនេះទៀត ពួកគេនឹងមានវិធានការ តាមផ្លូវច្បាប់ផ្សេងៗទៀត យ៉ាងខ្លាំងក្លាប្រឆាំងនឹងជនអនាមិក ទាំងឡាយណាដែលបាន ផ្សព្វផ្សាយពាក្យចចាមអារ៉ាម ដោយមិនច្បាស់លាស់ ហើយយើងសង្ឃឹមថា នៅពេលដែលយើង ចេញសេចក្តីប្រកាសទាំងនេះហើយ ពួកគេនឹងអាចបញ្ឃប់ធ្វើរឿង ទាំងឡាយណាដែលធ្វើឲ្យអ្នកដទៃឈឺចាប់ ព្រោះតែពាក្យសម្តី របស់ពួកគេតទៅទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
