កូរ៉េខាងត្បូង៖ កន្លងមកអ្នកគាំទ្រធ្លាប់តែធ្វើការលេងសើច ទៅកាន់តារាចម្រៀងស្រី Irene សមាជិកក្រុម Red Velvet ជាមួយនឹងតារាចម្រៀងស្រី Taeyeon សមាជិកក្រុម SNSD ចំពោះរូបសម្រស់ទម្រង់មុខដ៏សែនស្រដៀងគ្នារបស់អ្នកទាំងពីរ រហូតដល់ថ្នាក់អ្នកគាំទ្រដាក់នាម ឲ្យអ្នកទាំងពីរថា ជាម្តាយកូននឹងគ្នាថែមទៀតផង។
ប៉ុន្តែមិនយូរប៉ុន្មាន ពោលគឺកាលពីថ្មីៗនេះ ក៏មានរូបថតថ្មីមួយបានលោតឡើងនៅលើ បណ្តាញទំនាក់ទំនងសង្គមកូរ៉េ រហូតក្លាយជាប្រធានបទក្តៅ ដែលមានមនុស្សជាច្រើនកំពុងតែជជែកវែកញែកអំពីវាផងដែរ។
ជាការពិតណាស់ មួយថតមួយសន្លឹកនេះ ត្រូវបានគេកាត់យកមកត្រឹមតែទម្រង់មុខរបស់មនុស្សម្នាក់ ដែលត្រូវបានមនុស្សជាច្រើនយល់ច្រឡំឃើញថា ជាតារាចម្រៀងស្រី Irene និងអ្នកខ្លះទៀតក៏យល់ច្រឡំថាជា តារាចម្រៀងស្រី Taeyeon ដោយសារតែទម្រង់ភ្នែក ច្រមុះ និងបបូរមាត់ នៅក្នុងរូបថតមួយសន្លឹកនេះ គឺមានការស្រដៀងប្រហាក់ប្រហែល ទៅនឹងតារាស្រីរូបស្រស់ទាំងពីរដួងនេះជាខ្លាំង។
ប៉ុន្តែទោះជាយ៉ាងណា ក្រោយពីត្រូវបានគេបង្ហាញពីរូបភាពលេញនៃរូបថតមួយសន្លឹកនេះហើយ ក៏បានធ្វើឲ្យមហាជនមានការភ្ញាក់ផ្អើលជាខ្លាំង ដោយតាមពិតទៅ ទម្រង់មុខដែលគេកំពុងតែសង្ស័យប្រកែកវែកញែកនេះ គឺជាតារាចម្រៀងប្រុស Jo Kwon អតីតសមាជិក្រុម 2AM សោះ។
ហើយឥឡូវនេះផងដែរ បណ្តាអ្នកនិយមលេងអ៊ីនធឺណែតជាច្រើន ក៏បានដាក់នាមថ្មីឲ្យ Jo Kwon ផងដែរថា ជា Doppelganger របស់ Taeyeon និងត្រូវបានគេរាប់ចូលក្នុងចំណោម តារាស្រីទាំង Irene និង Taeyeonផងដែរ ដោយសារតែពួកគេមានមុខស្រដៀងគ្នា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
