អង់គ្លេស៖ ខ្សែប្រយុទ្ធរបស់កាំភ្លើងធំ Arsenal កីឡាករ Alex Iwobi បានប្រកាសថាគេនឹងអាចចាកចេញពីក្លិប បើសិនជាក្លិបទិញបានខ្សែប្រយុទ្ធ Wilfried Zaha ពី Crystal Palace ជាផ្លូវការ។
ក្លិបកាំភ្លើងធំ Arsenal បានដាក់ការចង់បានជាខ្លាំងទៅលើខ្សែប្រយុទ្ធជម្រើសជាតិកូតឌីវ័រ Wilfried Zaha និងធ្លាប់បានដាក់សំណើ ៤០លានផោន សុំទិញរូបគេថែមទៀត ប៉ុន្តែត្រូវក្លិប Crystal Palace បដិសេធដោយទាមទាររហូតដល់ជិត ៨០លានផោន។
ការអន្ទងចង់បាននូវវត្តមានរបស់ Zaha ពីសំណាក់ក្លិប Arsenal បានធ្វើឲ្យ Iwobi ហាក់មិនសូវសប្បាយចិត្ត ដោយគេបាននិយាយថាការអង្គុយនៅកៅអីបម្រុង អាចធ្វើឲ្យគេពិចារណាចំពោះអនាគតរបស់ខ្លួន។
“ខ្ញុំមិនមែនសម្រាប់តែអង្គុយនៅខាងក្រៅនោះទេ។ ខ្ញុំធ្លាប់ទទួលបានវាជាច្រើនឆ្នាំមកហើយ ដូចខ្ញុំធ្លាប់បាននិយាយចឹង គឺខ្ញុំមិនល្អគ្រប់គ្រាន់។ ពេលណាក៏ដោយ ឲ្យតែមានឱកាសចូលលេង ខ្ញុំតែងតែខំប្រឹងព្យាយាមដើម្បីឆក់យកឱកាសលេងជម្រើសដំបូង។” ខ្សែប្រយុទ្ធជម្រើសជាតិនីហេ្សរីយ៉ា Iwobi ថ្លែងប្រាប់សារព័ត៌មាន The Sun។
“ប៉ុន្តែវានឹងរឹតតែពិបាកជាងនេះទៀត បើសិនជា Zaha មក, គេនឹងបន្ថែមរឿងឈឺក្បាល។ ជាការពិតណាស់ អ្វីដែលជាក្ដីសុខរបស់ខ្ញុំ គឺការលេងបាល់ មិនមែនគ្រាន់តែអង្គុយនៅខាងក្រៅនោះទេ។” Iwobi បន្ត។
ប្រភព៖ GOAL
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
