ខេត្តបាត់ដំបង ៖ ដោយសារការធ្វេសប្រហែសរបស់អាណាព្យាបាល បានធ្វើឲ្យកូនប្រុសដែលទើប អាយុ២ខួបម្នាក់លង់ទឹកពាងស្លាប់យ៉ាងរន្ធត់ នៅវេលាម៉ោង៣ និង៤៥នាទី រសៀលថ្ងៃទី១៦ កក្កដា ២០១៩ ស្ថិតនៅភូមិសាមគ្គី ឃុំពេជ្រចិន្តា ស្រុកភ្នំព្រឹក។ សមត្ថកិច្ចបានរបាយការណ៍ថា កុមារារងគ្រោះដែលទើបមាន អាយុ២ខួបនោះ ឈ្មោះ ណែត សុឌី រស់នៅភូមិ, ឃុំកើតហេតុខាងលើ។
សមត្ថកិច្ចបានឲ្យដឹងទៀតថា កុមារានោះបានលង់ទឹកពាងនៅក្បែរផ្ទះរបស់ខ្លួនស្លាប់ នៅពេលឪពុក.ម្តាយរវល់ធ្វើការងារទុកឲ្យកូនលេងម្នាក់ឯង។ បើតាមប្រភពព័ត៌មាននានាបានឲ្យដឹងថា ពេលដែលឪពុកម្ដាយកំពុងធ្វើការងារទុកឲ្យកូននៅលេងម្នាក់ឯង។
គ្រាហ៍នោះកូនបានលេងក្បែរពាង ហើយកុមារាបានតោងឡើងពាង ទើបដាំក្បាលធ្លាក់ចូលក្នុងពាងបណ្ដាលឲ្យ លង់ស្លាប់តែម្តង។ ប៉ុន្តែពេលបាត់កូន អាណាព្យាបាលក៏ដើររកកូន តែរកមិនឃើញ លុះអើតមើលក្នុងពាងក៏ ភ្ញាក់ផ្អើលតែម្ដង ព្រោះឃើញកូនស្លាប់ក្នុងពាងបាត់ទៅហើយ។ សមត្ថកិច្ចបាននិយាយថា នេះជាកំហុសរបស់ អាណាព្យាបាល ដែលធ្វេសប្រហែសទើបជួបគ្រោះថ្នាក់ធ្ងន់ធ្ងរបែបនេះ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
