អាហ្វ្រិក៖ ការប្រកួតបាល់ទាត់ពានរង្វានធំបំផុតប្រចាំទ្វីបអាហ្វ្រិក Africa Cup of Nations 2019 កាលពីយប់មិញនេះបានឈានមកដល់វគ្គពាក់កណ្ដាលផ្ដាច់ព្រ័ត្រហើយ ដោយក្រុមជម្រើសជាតិសេនេហ្គាល់ បានយកឈ្នះក្រុមជម្រើសជាតិ ទុយនេស៊ី ក្នុងលទ្ធផល ១-០ ឡើងទៅវគ្គផ្ដាច់ព្រ័ត្រ។
ការប្រកួតបញ្ចប់តង់ទី១ ក្រុមទាំងពីរមិនអាចមានលទ្ធភាពរកគ្រាប់បាល់បាននោះទេ ពោលគឺលទ្ធផលស្មើគ្នា 0-0។ ប៉ុន្តែនៅក្នុងតង់ទី២ មានការសម្រុកគ្នាច្រើន រហូតក្រុមទាំងពីរទទួលបានបាល់ពិន័យ ១១ម៉ែត្រម្ដងម្នាក់ តែធ្វើមិនបានសម្រេចដូចគ្នា បញ្ចប់ការប្រកួត ៩០នាទីលទ្ធផលបន្ត 0-0។ ចូលដល់វគ្គថែមម៉ោង ១៥នាទី ពីរដង ទើបក្រុមជម្រើសជាតិសេនេហ្គាល់ របស់ខ្សែប្រយុទ្ធជួរមុខរបស់ Liverpool និងជាម្ចាស់ស្បែកជើងមាស Premier League កីឡាករ Mane អាចរកគ្រាប់បាល់បានដោយការតែតចូលទីខ្លួនឯងរបស់់ខ្សែការពារទុយនេស៊ី Dylan Bronn។ បញ្ចប់ការប្រកួត ១២០នាទី សេនេហ្គាល់ ឈ្នះ ទុយនេស៊ី ១-០ ឡើងទៅវគ្គផ្ដាច់ព្រ័ត្រ ដោយត្រូវប្រឈមមុខតតាំង នឹងក្រុមជម្រើសជាតិ អាហ្សាល់រី ដែលឈ្នះ នីហ្សេរីយ៉ា ក្នុងវគ្គផ្ដាច់ព្រ័ត្រដូចគ្នា។
ចង់ដឹងថាការប្រកួតវគ្គពាក់កណ្ដាលផ្ដាច់ព្រ័ត្ររវាង សេនេហ្គាល់ និង ទុយនេស៊ី ជក់ចិត្តយ៉ាងណានោះ ទៅទស្សនាវីដេអូខាងក្រោមទាំងអស់គ្នា!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
