បរទេស៖ កំពូលខ្សែប្រយុទ្ធលំដាប់ពិភពលោកកីឡាករ Neymar បានទម្លាយថាពេលដែល Barcelona ប្រកួតឈ្នះ Paris Saint-Germain ក្នុងលទ្ធផល ៦-១ ក្នុងពានរង្វាន់ Champions League គឺជាអនុស្សាវរីយ៍ដ៏ល្អសម្រាប់ខ្លួន។
ការប្រកួតរវាង Barcelona និង Paris Saint Germain កាលពីឆ្នាំ ២០១៧ គឺជាការប្រកួតមួយដ៏អស្ចារ្យនៅក្នុងប្រវត្តិសាស្រ្ត Champions Leauge។ PSG បាននាំមុខ ៤-0 ក្នុងជើងទីមួយ ប៉ុន្តែត្រូវបាន Barcelona វាយបកយកឈ្នះវិញក្នុងជើងទីពីរដោយលទ្ធផល ៦-១។
នៅពេលសួរអំពីការប្រកួតដែលល្អ និងមិនអាចបំភ្លេចបានសម្រាប់ខ្លួន Neymar បានឆ្លើយថាគឺជាការប្រកួតរវាង PSG និង Barcelona ក្នុងឆ្នាំ២០១៧។
“ការចងចាំដ៏ល្អ? គឺនៅពេលដែលយើងឈ្នះ PSG ជាមួយ Barcelona។ ខ្ញុំជឿថា វាគឺជាអារម្មណ៍ដ៏ល្អមួយសម្រាប់យើងទាំងអស់គ្នា។ ខ្ញុំមិនដែលគិតថាពួកយើងអាចរកបាន ៦គ្រាប់នោះទេ វាពិតជាមិនគួរឲ្យជឿ” សម្ដីរបស់ Neymar។
សូមបញ្ជាក់ផងដែរថា ក្រោយផ្លាស់ទៅលេងនៅបារាំងជាមួយ PSG ក្នុងតម្លៃខ្លួន ២២២លានអឺរ៉ូរយៈពេលពីរឆ្នាំ ពេលនេះ Neymar កំពុងតែមានដំណឹងថាអាចនឹងត្រឡប់មកលេងនៅទឹកដីអេស្ប៉ាញជាមួយ Barcelona វិញ៕
ប្រភព៖ Daily Mail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
